ନନ୍ଦିଘୋଷ ବ୍ୟୁରୋ: ୧୬୦ ଫୁଟ ଉଚ୍ଚ ପାହାଡ଼ ଉପରେ ନିର୍ମାଣ ଚାଲିଛି ମା ବୈଷ୍ଣୋଦେବୀଙ୍କ ମନ୍ଦିର। ନୟାଗଡ଼ ଓଡ଼ଗାଁ ବ୍ଲକ ମଗରବନ୍ଧ ନଠିଆପଲ୍ଲୀ ଗାଁ ନିକଟ ପାହାଡ଼ ଉପରେ ବୈଷ୍ଣୋଦେବୀଙ୍କ ଭବ୍ଯ ମନ୍ଦିର କାର୍ଯ୍ୟ ଚାଲିଛି। ଏଥିପାଇଁ ପାହାଡ଼ କାଟି ନିର୍ମାଣ ୧୮୦ ଫୁଟର ସୁଡ଼ଙ୍ଗ ହୋଇଛି । ୪ ବର୍ଷ ହେବ ୨୦୦ କାରିଗର ମିଶି ମନ୍ଦିର ନିର୍ମାଣ କାର୍ଯ୍ୟରେ ଲାଗିଛନ୍ତି। ଆସନ୍ତା ୨୯ ତାରିଖରେ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ରହିଛି।
ନୟାଗଡ଼ ଓଡ଼ଗାଁ ବ୍ଲକ ମଗରବନ୍ଧ ନଠିଆପଲ୍ଲୀ ଗାଁ ନିକଟ ୧୬୦ ଫୁଟ ପାହାଡ଼ ଉପରେ ନିର୍ମାଣ ଚାଲିଛି ମା ବୈଷ୍ଣୋଦେବୀଙ୍କ ମନ୍ଦିର। ପାର୍ଶ୍ଵ ଦେବଦେବୀଙ୍କ ମନ୍ଦିର ସହ ଯଜ୍ଞ ମଣ୍ଡପ ମଧ୍ଯ ନିର୍ମାଣ ଚାଲିଛି। ଯେଉଁଥିପାଇଁ ପାହାଡ଼ କାଟି ୧୮୦ ଫୁଟର ସୁଡ଼ଙ୍ଗ ତିଆରି ହୋଇଛି। ସୁଡ଼ଙ୍ଗ ଭିତରେ ରହିଛି ମାଆଙ୍କର ସିଂହାସନ। ୨୦୦ କାରିଗର ୪ ବର୍ଷ ହେଲା ମନ୍ଦିର ନିର୍ମାଣ କାମରେ ଲାଗିଛନ୍ତି। ୧୬ ଏକର ୭୦ ଡିସିମିଲ ସ୍ଥାନରେ ନିର୍ମାଣ ହେଉଥିବା ଏହି ଭବ୍ଯ ମନ୍ଦିର ଦେଖିବାକୁ ସମସ୍ତେ ଅପେକ୍ଷା କରି ରହିଛନ୍ତି।
ସ୍ଥାନୀୟ ଅଞ୍ଚଳର ଲୋକଙ୍କ ଦାବୀ ଅନୁଯାୟୀ ଜଣେ ଭକ୍ତଙ୍କୁ ସ୍ଵପ୍ନାଦେଶ ପରେ ଏଠାରେ ମା ବୈଷ୍ଣୋଦେବୀଙ୍କ ମନ୍ଦିର ନିର୍ମାଣ ଆରମ୍ଭ ହୋଇଥିଲା। ୬ ଟି ପଞ୍ଚାୟତର ସରପଞ୍ଚ, ସମିତିସଭ୍ୟ ଏବଂ ଜନସାଧାଣ ମନ୍ଦିର ନିର୍ମାଣ ପାଇଁ ସମର୍ଥନ ଜଣାଇଥିଲେ। ୮ ଟି ଗାଁର ଲୋକଙ୍କୁ ନେଇ ଗଠନ ହୋଇଛି ମା ବୈଷ୍ଣୋଦେବୀଙ୍କ ମନ୍ଦିର ନିର୍ମାଣ କ୍ରିୟାନୁଷ୍ଠାନ କମିଟି। ଆସନ୍ତା 29 ତାରିଖରେ ବୈଷ୍ଣୋଦେବୀଙ୍କ ପ୍ରାଣ ପ୍ରତିଷ୍ଠା ହେବ।
