ନବୀନଙ୍କ ନୂଆ ଲୁକ୍, ଟ୍ରାକ୍ ପ୍ୟାଣ୍ଟ-ଜର୍ସିରେ ଷ୍ଟାଡିୟମରେ ଏଣ୍ଟ୍ରି

ଭୁବନେଶ୍ୱର: କଳିଙ୍ଗ ଷ୍ଟାଡିୟମରେ ନବୀନ ଜଲୱା  । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ପୋର୍ଟି ଲୁକ  । ଟ୍ରାକ ପ୍ୟାଣ୍ଟ ଏବଂ ଟି-ସାର୍ଟ ପରିଧାନ କରି ପ୍ରବେଶ  କରିଥିଲେ ନବୀନ ପଟ୍ଟନାୟକ । କଳିଙ୍ଗ ଷ୍ଟାଡିୟମରେ ଚାଲିଥିବା ଓଡ଼ିଶା ଓମେନ୍ ଫୁଟବଲ ଲିଗ ଦେଖିଛନ୍ତି । ଷ୍ଟାଡିୟମରେ ବସି ଫୁଟବଲ ଖେଳକୁ ଅନୁଭବ କରିଛନ୍ତି  । ପ୍ରତିଯୋଗୀଙ୍କୁ ଉତ୍ସାହିତ କରିବା ନିମନ୍ତେ ମୁଖ୍ୟମନ୍ତ୍ରୀ ନବୀନ ପଟନାୟକ ଓଡ଼ିଶା ଜର୍ସି ପରିଧାନ କରି ପ୍ରବେଶ କରିଥିଲେ  । ମୁଖ୍ୟମନ୍ତ୍ରୀଙ୍କ ସହ 5-ଟି ସଚିବ ଭି.କେ ପାଣ୍ଡିଆନ୍ ମଧ୍ୟ କଳିଙ୍ଗ ଷ୍ଟାଡିୟମରେ ପହଞ୍ଚିଥିଲେ । ନବୀନଙ୍କ ଏଭଳି ଗସ୍ତ ଖେଳାଳିଙ୍କୁ ଉତ୍ସାହିତ କରିଛି । ତେବେ ଷ୍ଟାଡିୟମରେ ଚାଲିଥିବା ନିର୍ମାଣଧୀନ ପ୍ରକଳ୍ପର ମଧ୍ୟ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ।

ରାଜ୍ୟକୁ କ୍ରୀଡ଼ା ହବ୍ କରିବା ନିମନ୍ତେ ଓଡିଶା ସରକାର ସମସ୍ତ ପ୍ରକାର ବ୍ୟବସ୍ଥା କରିଛନ୍ତି  । ବିଶ୍ୱକପ ଜୁନିୟର ହକି ହେଉ କିମ୍ବା ସିନିୟର ହକି  । ସେହିପରି ଫୁଟବଲ ଖେଳ ହେଉ କିମ୍ବା ଦୌଡ଼ ପ୍ରତିଯୋଗିତା  । ରାଜ୍ୟରେ ସମସ୍ତ ପ୍ରକାର ଖେଳର ଆୟୋଜନ କରି ନବୀନ ଓଡିଶାକୁ ବିଶ୍ୱରେ ପ୍ରତିପାଦିତ କରିଛନ୍ତି  । ସେହିପରି ସମସ୍ତ ଖେଳାଳୀକୁ ସବୁ ସମୟରେ ଖେଳାଳୀଙ୍କୁ ଉତ୍ସାହିତ  କରିବାକୁ ଭୁଲି ନାହାଁନ୍ତି  । ପ୍ରତିଟି ମ୍ୟାଚରେ ଖୋଦ ମୁଖ୍ୟମନ୍ତ୍ରୀ ନିଜେ ଉପସ୍ଥିତ ରହି ଖେଳାଳୀଙ୍କ ମନବୋଳକୁ ସୁଦୃଢ କରିଛନ୍ତି, ଉତ୍ସାହିତ ଏବଂ ପ୍ରୋତ୍ସାହିତ କରିଛନ୍ତି  ।