ଦିଲ୍ଲୀ ଲାଲକିଲ୍ଲା ବିସ୍ଫୋରଣ ଘଟଣାରେ ଆଉ ଜଣେ ଗିରଫ । ଅଭିଯୁକ୍ତ ଜଣକ ହେଲା ଅମୀଲ ରସିଦ ଅଲ୍ଲୀ। ତାକୁ ଏନଆଇଏ ଦିଲ୍ଲୀରୁ ଗିରଫ କରିଛି। ଲାଲକିଲ୍ଲା ନିକଟରେ ଯେଉଁ କାର୍ ବିସ୍ଫୋରଣ ହୋଇଥିଲା, ସେହି କାର୍ ଏହି ବ୍ଯକ୍ତି ଜଣକ ନାଁରେ ଥିଲା। ଏନଆଇଏର ତଦନ୍ତରୁ ଜଣାପଡ଼ିଛି, ପୁରା ଷଡ଼ଯନ୍ତ୍ରରେ ଅଲି ସାମିଲ ଥିଲା। ଅଲିର ଘର ହେଉଛି କାଶ୍ମୀର ପୁଲୱାମା ପାମ୍ପୋର ଅଞ୍ଚଳରେ। ଆତଙ୍କବାଦୀ ଆକ୍ରମଣ ପାଇଁ ଉମର ସହିତ ମିଶି କରି ଷଡ଼ଯନ୍ତ୍ର କରିଥିଲା ଅଲି। ସେ କେବଳ ଦିଲ୍ଲୀ ଆସିଥିଲା କାର୍ କିଣିବାକୁ। ସେହି କାରକୁ ବୋମା ଭାବେ ବ୍ୟବହାର କରାଯାଇଥିଲା। ସେଥିରେ ଖଞ୍ଜା ଯାଇଥିଲା ଆଇଇଡି। ମୁଖ୍ୟ ଅଭିଯୁକ୍ତ ଉମର ନବିର ଆଉ ଏକ କାର ବି ଜବତ କରିଛି ଏନଆଇଏ।
