ନନ୍ଦିଘୋଷ ବ୍ୟୁରୋ : ଦଶମ ଥର ଲାଗି ବିହାର ମୁଖ୍ୟମନ୍ତ୍ରୀ ହେବେ ନୀତୀଶ କୁମାର। ପାଟନା ଗାନ୍ଧୀ ମଇଦାନରେ ବିଶାଳ ଶପଥ ଗ୍ରହଣ ଉତ୍ସବ ହେବ। ଦୁଇ ଉପମୁଖ୍ୟମନ୍ତ୍ରୀଙ୍କ ସହ କ୍ୟାବିନେଟ ମନ୍ତ୍ରୀ ଶପଥ ନେବେ। ନିର୍ଦ୍ଧାରିତ ଫର୍ମୂଲା ଅନୁସାରେ ନୂଆ ମନ୍ତ୍ରୀ ଶପଥ ନେବେ। ଶପଥ ଗ୍ରହଣ ଉତ୍ସବ ପୂର୍ବରୁ ପାଟନାରେ ପହଞ୍ଚିଥିଲେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ତାଙ୍କୁ ବିମାନ ବନ୍ଦରରେ କରାଯାଇଥିଲା ଭବ୍ୟ ସ୍ବାଗତ। ୨୪୩ ଆସନ ବିଶିଷ୍ଟ ବିଧାନସଭାରେ ଏନଡିଏର ୨୦୨ ସଦସ୍ୟ ରହିଛନ୍ତି। ବିଜେପି ସର୍ବାଧିକ ୮୯ ଆସନ ପାଇଥିବାବେଳେ ଜେଡିୟୁ ୮୫, ଏଲଜେପି୍(ଆର) ୧୯, ହାମ ୫ ଓ ଆରଏଲଏମ ୪ ଆସନ ହାସଲ କରିଥିଲେ। ଶପଥ ଗ୍ରହଣ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କେନ୍ଦ୍ର ଗୃହମନ୍ତ୍ରୀ ଅମିତ ଶାହ, ଅନେକ କେନ୍ଦ୍ରମନ୍ତ୍ରୀ, ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀମାନେ ସାମିଲ ହେବେ।
ବିହାରରେ ଦୁଇ ଜଣ ଉପମୁଖ୍ୟମନ୍ତ୍ରୀ ଭାବେ ନେବେ ଶପଥ। ପୁଣିଥରେ ବିଜୟ କୁମାର ସିହ୍ନା ଓ ସମ୍ରାଟ ଚୌଧୁରୀ ଉପମୁଖ୍ୟମନ୍ତ୍ରୀ ରହିବେ ବୋଲି ଦଳ ନିଷ୍ପତ୍ତି ନେଇଛି। ବିଜେପି ବିଧାୟକ ଦଳ ବୈଠକରେ ସମ୍ରାଟ ଚୌଧୁରୀଙ୍କୁ ବିଧାୟକ ଦଳ ନେତା ନିର୍ବାଚିତ କରାଯାଇଛି। ସେହିପରି ବିଜୟ ସିହ୍ନାଙ୍କୁ ବିଧାୟକ ଦଳ ଉପନେତା ଭାବେ ନିର୍ବାଚିତ କରାଯାଇଛି। ବିହାର ତାରାପୁର ଆସନରୁ ବିଜୟୀ ହୋଇଛନ୍ତି ସମ୍ରାଟ। ମନ୍ତ୍ରୀ ଭାବେ ବହୁ ବିଭାଗ ସମ୍ଭାଳିଛନ୍ତି ସମ୍ରାଟ ଚୌଧୁରୀ। ଗତ ୨୦୨୧ ଉପନିର୍ବାଚନରେ ବିଜୟୀ ହୋଇଥିଲେ ସମ୍ରାଟ। ଲଖିସରାଇ ଆସନରୁ ବିଜୟୀ ହୋଇଛନ୍ତି ବିଜୟ କୁମାର ସିହ୍ନା। ସେ ଲଖିସରାଇରୁ ପଞ୍ଚମ ଥର ଲାଗି ପ୍ରାର୍ଥୀ ହୋଇ ବିଜୟୀ ହୋଇଥିଲେ।
