ରାଜ୍ୟ ବିଜେପି ସଭାପତି ସମୀର ମହାନ୍ତିଙ୍କୁ କରୋନା

ଭୁବନେଶ୍ୱର: ରାଜ୍ୟରେ ବଢ଼ିଚାଲିଛି କରୋନା ସଂକ୍ରମଣ । କ୍ୱାରେଣ୍ଟାଇନ୍‌ ସେଣ୍ଟରରୁ ଯେତିକି ଆକ୍ରାନ୍ତ ଚିହ୍ନଟ ହେଉଛନ୍ତି ସେହି ଅନୁମପାତରେ ସ୍ଥାନୀୟ ଅଞ୍ଚଳରୁ ମଧ୍ୟ ଚିହ୍ନଟ ହେଉଛନ୍ତି । ତେବେ ଏହାରି ମଧ୍ୟ ଏବେ ଓଡ଼ିଶାରେ ନେତା ମନ୍ତ୍ରୀଙ୍କୁ ମଧ୍ୟ କରୋନା ଗ୍ରାସ କରୁଛି ।

Due to symptoms of Corona, I went for the test and found positive. I am doing well, but as per the advice of doctors I got hospitalized and under treatment. I request to all who have come in contact with me in past few days to kindly isolate and conduct test if necessary.

— Samir Mohanty (मोदी का परिवार) (@SamirMohantyBJP) September 14, 2020

ପ୍ରଥମେ ଅନେକ ବିଜେଡି ବିଧାୟକ କରୋନା ଆକ୍ରାନ୍ତ ହେଉଥିବା ଖବର ସାମ୍ନାକୁ ଆସିଥିବା ବେଳେ ଏବେ ରାଜ୍ୟ ବିଜେପି ମୁଖିଆ ସମୀର ମହାନ୍ତି କରୋନା ଆକ୍ରାନ୍ତ ହୋଇଛନ୍ତି । ଅସୁସ୍ଥ ହେବାରୁ ତାଙ୍କୁ ଏମ୍‌ସ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ପ୍ରଥମେ କିଛି ଅସୁସ୍ଥତା ଅନୁଭବ କରିବାରୁ ସେ ନିଜର କରୋନା ଟେଷ୍ଟ କରିଥିଲେ । ଏହାପରେ ସେ ପଜିଟିଭ୍‌ ଥିବା ରିପୋର୍ଟ ଆସିଥିଲା ।

ସମୀର କହିଛନ୍ତି ଯେଉଁମାନେ ଗତ କିଛି ଦିନ ମଧ୍ୟରେ ତାଙ୍କ ସଂସ୍ପର୍ଷରେ ଆସିଥିଲେ ସେମାନେ ନିଜକୁ ଆଇସୋଲେସନ୍‌ରେ ରଖନ୍ତୁ ଏବଂ ଆବଶ୍ୟକ ପଡ଼ିଲେ ନିଜର କରୋନା ଟେଷ୍ଟ ମଧ୍ୟ କରେଇ ନିଅନ୍ତୁ ।