ନନ୍ଦିଘୋଷ ବ୍ୟୁରୋ : ଜମି କିଣାବିକା ପାଇଁ ସବ ରେଜିଷ୍ଟ୍ରାର ଅଫିସ ଯିବାକୁ ପଡ଼ିବ ନାହିଁ। ଶୁଭାରମ୍ଭ ହେଲା ଇ-ରେଜିଷ୍ଟେସନ ଆପ୍। ପେପର ଲେସ୍ ଓ କ୍ୟାସଲେସ୍ ହେବ ରେଜିଷ୍ଟ୍ରେସନ ସେବା। ଏଣିକି ଗୋଟିଏ ମୋବାଇଲ୍ ଆପରେ ମିଳିବ ସମସ୍ତ ରାଜସ୍ବ ସେବା । ଘରେ ବସି ଲୋକେ ପାଇବେ ସମସ୍ତ ରାଜସ୍ୱ ସଂକ୍ରାନ୍ତ ସୁବିଧା । ଲୋକସେବା ଭବନରେ ଆପକୁ ଉନ୍ମୋଚନ କରିଛନ୍ତି ମୁଖ୍ୟମନ୍ତ୍ରୀ । ଆପ୍ ଦ୍ଵାରା କୌଣସି ସେବା କେନ୍ଦ୍ରକୁ ନ ଯାଇ ଘରେ ବସି ବିଭିନ୍ନ ସମସ୍ୟାର ସମାଧାନ କରିହେବ। ଛୋଟ ଛୋଟ କାମ ପାଇଁ ରାଜସ୍ୱ ବିଭାଗ କିମ୍ବା କାର୍ଯ୍ୟାଳୟକୁ ଲୋକଙ୍କୁ ଦୌଡ଼ିବାକୁ ପଡ଼ିବନି ।

ଆପରେ ବିଭିନ୍ନ ପ୍ରକାର ସେବା ପାଇଁ ଆବେଦନ ହୋଇପାରିବ। ଆୟ ପ୍ରମାଣପତ୍ର, ଜାତି ପ୍ରମାଣପତ୍ର, ବାସସ୍ଥାନ ପ୍ରମାଣ ପତ୍ର ଭଳି ଗୁରୁତ୍ୱପୂର୍ଣ୍ଣ ସେବା ମୋବାଇଲ ଆପରେ ମିଳିବ । ପ୍ରାରମ୍ଭିକ ପର୍ଯ୍ୟାୟରେ ଏହି ଆପ୍ ଦ୍ବାରା ଜମି ରେଜିଷ୍ଟ୍ରେସନ କରିହେବ। ଏହା ଏବେ ଆଣ୍ଡ୍ରଏଡ଼୍ ମୋବାଇଲରେ ଉପଲବ୍ଧ ରହିଛି । କିଣାବିକା ହେବାକୁ ଥିବା ଯେ କୌଣସି ଜାଗାର ପ୍ଲଟ ଓ ଖାତା ନମ୍ବର ଦେଲେ, ସଂପୃକ୍ତ ସବ-ରେଜିଷ୍ଟ୍ରାରଙ୍କ ପାଖକୁ ତାହା ଯିବ । ଜଣେ ବ୍ୟକ୍ତି ଏହି ଆପ୍ ମାଧ୍ୟମରେ ଇସି, ଜମିର ମୂଲ୍ୟ ବାବଦରେ ଜାଣିବା ସହ ରେଜିଷ୍ଟ୍ରାର ଅଫିସରେ ସ୍ଲଟ ବୁକ୍ କରିପାରିବ । ସମସ୍ତ କାଗଜପତ୍ର ମଧ୍ୟ ଆପ୍ ଜରିଆରେ ଡାଉନଲୋଡ ହୋଇପାରିବ।