ଦିନକରେ ଆକ୍ରାନ୍ତଙ୍କ ସଂଖ୍ୟା ଏକହଜାର ପାର୍
ଭୁବନେଶ୍ବର: ରାଜ୍ୟରେ ବଢୁଛି କୋରୋନା ସଂକ୍ରମଣ । ଦିନକରେ ୨୮ ଜିଲ୍ଲା ଓ ଷ୍ଟେଟପୁଲରୁ ୧୦୬୫ ପଜିଟିଭ ଚିହ୍ନଟ ହୋଇଛନ୍ତି । ଶୂନରୁ ୧୮ ବର୍ଷ ବୟସର ୧୨୨, କ୍ବାରେଣ୍ଟାଇନରୁ ୬୨୪, ଲୋକାଲ କେସ୍ ୪୪୧ ରିପୋର୍ଟ ହୋଇଛି । ଖୋର୍ଦ୍ଧାରୁ ସର୍ବାଧିକ ୩୬୧, କଟକରୁ ୧୩୫, ସୁନ୍ଦରଗଡ଼ରୁ ୧୧୧ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଷ୍ଟେଟପୁଲରୁ ୭୬, ସମ୍ବଲପୁରରୁ ୫୮, ମୟୂରଭଞ୍ଜରୁ ୫୨, ପୁରୀରୁ ୪୪, ସୋନପୁରରୁ ୩୧, ଜଗତସିଂହପୁର ଓ ଯାଜପୁରରୁ ୨୧ଜଣ ଲେଖାଏଁ, ଝାରସୁଗୁଡା, କେନ୍ଦ୍ରାପଡା ଓ ନୟାଗଡ଼ରୁ ୧୮ଜଣ ଲେଖାଏଁ, ବାଲେଶ୍ବର ଓ କଳାହାଣ୍ଡିରୁ ୧୪ଜଣ ଲେଖାଏଁ , ରାୟଗଡ଼ାରୁ ୧୩ ସଂକ୍ରମିତ ଚିହ୍ନଟ ହୋଇଛନ୍ତି ।
ନୂଆପଡ଼ାରୁ ୧୧, ବଲାଙ୍ଗୀରରୁ ୮, ଗଞ୍ଜାମ ଓ କନ୍ଧମାଳରୁ ୬ଜଣ ଲେଖାଏଁ, ଭଦ୍ରକ, ଦେବଗଡ଼ ଓ ନବରଙ୍ଗପୁରରୁ ୫ଜଣ ଲେଖାଏଁ, କେନ୍ଦୁଝରରୁ ୪, ଗଜପତି, କୋରାପୁଟରୁ ୩ଜଣ ଲେଖାଏଁ, ଢେଙ୍କାନାଳରୁ ୨, ବୌଦ୍ଧ, ମାଲକାନଗିରିରୁ ଜଣେ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି । ୨୪ ଘଣ୍ଟାରେ ୫୧୪ ସଂକ୍ରମିତ ସୁସ୍ଥ ହୋଇଥିବା ବେଳେ, ଆକ୍ଟିଭ କେସ୍ ରହିଛି ୫୩୭୬ ।
