ଢେଙ୍କାନାଳ: ଭିଜିଲାନ୍ସ ଜାଲରେ କାମାକ୍ଷାନଗର ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକ ।ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ରେଡ କରାଯାଉଛି
। କାମାକ୍ଷାନଗର ଉପଜିଲ୍ଲାପାଳଙ୍କ କାର୍ଯ୍ୟାଳୟ ଓ ସରକାରୀ ବାସଭବନ ସମେତ ୧୦ଟି ସ୍ଥାନରେ ରେଡ କରୁଛି ଭିଜିଲାନ୍ସ ଟିମ । ଭଦ୍ରକସ୍ଥିତ ପୈତୃକ ବାସଭବନ ସମେତ ସମ୍ପର୍କୀୟଙ୍କ ଘର ଓ ଭୁବନେଶ୍ବରର ଗୋଟିଏ ଜାଗାରେ ଚାଲିଛି ରେଡ । ୭ ଡିଏସପି, ୩ ଇନ୍ସପେକ୍ଟର, ୮ ଏଏସଆଇଙ୍କୁ ନେଇ ଚାଲିଛି ରେଡ୍। ଭୁବନେଶ୍ଵର, ଢେଙ୍କାନାଳ, ଭଦ୍ରକ ଏବଂ ମୟୂରଭଂଜର ବିଭିନ୍ନ ସ୍ଥାନରେ ଏକକାଳୀନ ଚଢାଉ ଜାରି ରହିଛି।
ଚଢାଉରୁ ଉପଜିଲ୍ଲାପାଳଙ୍କ ସମତ୍ତି ଠାବ ହୋଇଛି। ଭୁବନେଶ୍ଵର ଝାରପଡ଼ାରେ ଏକ ତିନି ମହଲା କୋଠା, ଝାରପଡ଼ାରେ ଆଉ ଏକ କୋଠା, ଭଦ୍ରକ କୁଆଁସରେ ତିନି ମହଲା କୋଠା ଥିବା ଜଣାପଡିଛି। ଭଦ୍ରକ ଗେଲପୁରରେ ଗୋଟିଏ ନିର୍ମାଣାଧିନ ଦୁଇ ମହଲା କୋଠା ରହିଛି । ଭଦ୍ରକ ଜିଲ୍ଲା କପାଗାରିଆ ଗାଁ ପୈତୃକ ବାସଭବନ ଓ ବରୁଣାଇ ଗାଁରେ ଥିବା ତାଙ୍କ ସମ୍ପର୍କୀୟଙ୍କ ଘରେ ଚଢାଉ କରାଯାଉଛି । ସେହିଭିଳ ଭଦ୍ରକର ଯୋରାଗାଡିଆ ଏବଂ ମୟୂରଭଞ୍ଜରେ ଥିବା ତାଙ୍କ ସହଯୋଗୀଙ୍କ ଘରେ ମଧ୍ୟ ଚଢାଉ କରାଯାଉଛି ।
