ଓଲଟିଲା ତେଲ ଟ୍ୟାଙ୍କର, ସବୁ ବୋହିନେଲେ…

ନନ୍ଦିଘୋଷ ବ୍ୟୁରୋ: ଭାରସାମ୍ୟ ହରାଇ ଓଲଟିଲା ତୈଳ ଟ୍ୟାଙ୍କର୍ ଗାଡ଼ି । ଡ୍ରାଇଭର ଗୁରୁତର । ଲୋକେ ଓଲଟିଥିବା ଗାଡିରୁ ବୋହି ନେଲେ ପେଟ୍ରୋଲ, ଡିଜେଲ୍ । କେନ୍ଦୁଝର ଜିଲ୍ଲା ଘଟଗାଁ ନିକଟସ୍ତ ୨୦ନମ୍ବର ଜାତୀୟ ରାଜପଥର ପୋଇଜାମୁଳା ଛକ ନିକଟରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାରେ ତୈଳ ଟ୍ୟାଙ୍କର୍ ଗାଡ଼ି ଡ୍ରାଇଭର ଗୁରୁତର ଆହତ ହୋଇ ଘଟଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଛନ୍ତି । ଅନ୍ୟପକ୍ଷରେ ଅନବରତ ଟ୍ୟାଙ୍କରରୁ ବୋହୁଥିବା ଡିଜେଲ ଓ ପେଟ୍ରୋଲକୁ ସ୍ଥାନୀୟ ଲୋକେ ବୋହି ନେଇଛନ୍ତି । ଡବା, ବାଲଟି, ବୋତଲ,ଗରା ବିଭିନ୍ନ ସାମଗ୍ରୀରେ ବୋହି ନେଉଥିବାର ଦୃଶ୍ୟ ଦେଖିବାକୁ ମିଳୁଛି ।