ପ୍ରତି ପରିବାରର ଜଣଙ୍କୁ ସରକାରୀ ଚାକିରି ମିଳିବ: ଆରଜେଡି ନେତା ତେଜସ୍ବୀ ଯାଦବଙ୍କ ବଡ଼ ଘୋଷଣା

ବିହାର ବିଧାନସଭା ନିର୍ବାଚନ ପୂର୍ବରୁ ଆରଜେଡି ନେତା ତେଜସ୍ବୀ ଯାଦବଙ୍କ ବଡ଼ ଘୋଷଣା। ଯଦି ବିହାରରେ ଆରଜେଡି କ୍ଷମତାକୁ ଆସେ ତେବେ ପ୍ରତି ପରିବାରର ଜଣଙ୍କୁ ସରକାରୀ ଚାକିରି ମିଳିବ ବୋଲି ଗ୍ୟାରେଣ୍ଟି ଦେଇଛନ୍ତି ତେଜସ୍ବୀ. ସରକାର ଗଠନର ୨୦ ଦିନ ଭିତରେ ଏନେଇ ଆଇନ ଅଣାଯିବ। ବିହାରରେ ବେକାରୀର ସ୍ଥାନ ରହିବ ନାହିଁ ବୋଲି ସେ କହିଛନ୍ତି। ବିଗତ ୨୦ ବର୍ଷ ଧରି ରାଜ୍ୟରେ ବେକାରୀ ସମସ୍ୟା ଦୂରୀଭୂତ ଲାଗି କୌଣସି ପଦକ୍ଷେପ ନିଆଯାଇନାହିଁ। ସେ କହିଛନ୍ତି ଏନଡିଏ ସହଯୋଗୀ ଜେଡିୟୁ ଓ ବିଜେପି ବିହାରରେ ବେକାରୀ ଦୂରୀକରଣ କରିବା ଲାଗି କୌଣସି ପଦକ୍ଷେପ ନେଇନାହାନ୍ତି। ବିହାରରେ ଯେପରି ବେକାରୀ ସମସ୍ୟା ରହିବ ନାହିଁ ସେଦିଗରେ ତାଙ୍କ ସରକାର ପଦକ୍ଷେପ ନେବ ବୋଲି ସେ କହିଛନ୍ତି।