ଶାହାଜାହାନପୁର ମେଡିକାଲ କଲେଜରେ ଗ୍ୟାସ ଲିକ୍, ଜଣେ ମୃତ

ନନ୍ଦିଘୋଷ ବ୍ୟୁରୋ: ଉତ୍ତରପ୍ରଦେଶ ଶାହାଜାହାନପୁରରେ ଗ୍ୟାସ ଲିକ୍ । ଶାହାଜାହାନପୁର ମେଡିକାଲ କଲେଜରେ ଗ୍ୟାସ ଲିକ୍ ଯୋଗୁଁ ଜଣଙ୍କର ମୃତ୍ୟୁ ଘଟିଛି । ଘଟଣାରେ କିଛି ଲୋକ ଅସୁସ୍ଥ ହୋଇଛନ୍ତି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ଗ୍ୟାସ ଲିକକୁ ନେଇ ହସ୍ପିଟାଲରେ ଦଳାଚକଟା ପରିସ୍ଥିତି ସୃଷ୍ଟି ହୋଇଥିଲା । ରୋଗୀଙ୍କୁ ତୁରନ୍ତ ମେଡିକାଲରୁ ବାହାର କରାଯାଇଥିଲା ।

ମେଡିକାଲ ପରିସରରେ ଫାୟାର ବ୍ରିଗେଡ୍ ମୁତୟନ ହୋଇଥିବାବେଳେ ଘଟଣାସ୍ଥଳରେ ଜିଲ୍ଲାପାଳ ଉପସ୍ଥିତ ରହି ସ୍ଥିତି ଅନୁଧ୍ୟାନ କରୁଛନ୍ତି । ଅପରେସନ ଥିଏଟରରୁ ଗ୍ୟାସ ଲିକ୍ ହୋଇଥିବା ସୂଚନା ମିଳିଛି । ଘଟଣାର ତଦନ୍ତ ଜାରି ରହିଛି । ହଠାତ୍ ଗ୍ୟାସ୍ ଲିକ ହେବାରୁ ଲୋକେ ଆତଙ୍କରେ ଦୌଡ଼ିବାରୁ ସେଠାରେ ଦଳାଚକଟା ସ୍ଥିତି ଉପୁଜିଥିଲା । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ଉପସ୍ଥିତ ରହି ଉଦ୍ଧାର କାର୍ଯ୍ୟ ଚଳାଇଛନ୍ତି ।