ବ୍ରାଉନସୁଗାର କାରବାରରେ ଚୋରା ବନ୍ଧୁକ ଲିଙ୍କ୍

ଭୁବନେଶ୍ୱର: ଅପରେସନ ହ୍ବାଇଟ ସ୍ପାଇଡରକୁ ଜୋରଦାର କଲା କମିଶନରେଟ ପୋଲିସ । ପଦାକୁ ଆସିଲା ବ୍ରାଉନସୁଗାର କାରବାରରେ ଚୋରା ବନ୍ଧୁକ ଲିଙ୍କ । ୧୨ ଗ୍ରାମ ବ୍ରାଉନ ସୁଗାର କାରବାର ଅଭିଯୋଗରେ ଅନ୍ଧାରୁଆର ପିଣ୍ଟୁନା ଓରଫ କାହ୍ନା ପ୍ରଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି ଭରତପୁର ଥାନା ପୋଲିସ । ଡିଲ ବେଳେ ସୁରକ୍ଷା ଲାଗି ପାଖରେ ବନ୍ଧୁକ ରଖୁଥିଲା ପିଣ୍ଟୁନା । ବନ୍ଧୁକ କେଉଁଠାରୁ ଆଣିଥିଲା ତାହା ପୋଲିସ ତଦନ୍ତ କରୁଛି ।

ଜବତ ହୋଇଥିବା ବନ୍ଧୁକଟି ଲାଇସେନ୍ସ ନଥିଲା । ଚଳିତ ବର୍ଷ ଭରତପୁର ଥାନାରେ ୧୯ଟି ମାମଲା ରୁଜୁ ହୋଇଛି । ୩୨୦ ଗ୍ରାମ ଗଞ୍ଜେଇ ଓ ୭୨ ଗ୍ରାମ ବ୍ରାଉନସୁଗାର ଜବତ ବୋଇଥିବା ବେଳେ ୩୨ ଜଣଙ୍କୁ ଗିରଫ କରିଛି ପୋଲିସ । ସେପଟେ ଧଉଳି ଥାନା ପୋଲିସ ଦ୍ବାରା ୪୨ କେଜି ଗଞ୍ଜେଇ ଜବତ ହୋଇଛି । କେଶୁରା ପଟୁ ଦୟା ନଦୀବନ୍ଧ ଦେଇ ଚାଲାଣ କରୁଥିବା ବେଳେ ୩ ଜଣଙ୍ଗକୁ ଗିରଫ କରି କୋର୍ଟ ଚାଲାଣ କରିଛି ଧଉଳି ଥାନା ପୋଲିସ । ସେମାନଙ୍କ ଠାରୁ ଗୋଟିଏ କାର ଜବତ ହୋଇଛି ।