ସାରୁଅ ଠିକା କର୍ମଚାରୀଙ୍କୁ ମିଳବ କି ନ୍ୟାୟ ? ନା ପୂର୍ବଥର ପରି ଜେରାକୁ ସାମ୍ନା କରିବେ ନାହିଁ ଓଟିଭି କର୍ତ୍ତୃପକ୍ଷ

ଖୋର୍ଦ୍ଧା:୧୮ ଦିନରେ ପହଞ୍ଚିଲା ସାରୁଅ ଠିକା କର୍ମଚାରୀଙ୍କ ଆନ୍ଦୋଳନ । ୫ ଦଫା ଦାବି ନେଇ ଧାରଣାରେ ବସିଛନ୍ତି ଠିକା କର୍ମଚାରୀ । ତୁରନ୍ତ ସେମାନଙ୍କୁ ଉପଯୁକ୍ତ ଦରମାରେ ସ୍ଥାୟୀ ନିଯୁକ୍ତି ଦିଆଯାଉ ବୋଲି ସେମାନେ ଦାବି ରଖିଛନ୍ତି । ସେପଟେ ଆଜି ଦିନ ୧୧ଟାରେ ଭୁବନେଶ୍ୱର ଶ୍ରମ କାର୍ଯ୍ୟାଳୟରେ ଶ୍ରମ ଅଧିକାରୀଙ୍କ ମଧ୍ୟସ୍ଥତାରେ ଓଟିଭି କର୍ତ୍ତୃପକ୍ଷ ଓ ଆନ୍ଦୋଳନକାରୀ ମଧ୍ୟରେ ଆଲୋଚନା ହେବ ।

ଏହି ମାମଲାରେ ଉଭୟ ପକ୍ଷଙ୍କୁ ମିଳିତ ଆଲୋଚନା ପାଇଁ ସାନି ନୋଟିସ ଜାରି କରିଥିଲେ ଡିଭିଜିନାଲ ଲେବର କମିଶନର । ପୂର୍ବରୁ ଗତ ୧୩ ତାରିଖରେ ଉଭୟ ପକ୍ଷଙ୍କୁ ନୋଟିସ ହୋଇଥିଲେ ହେଁ ଆଲୋଚନା ପାଇଁ ନଆସି ଓଟିଭି କର୍ତ୍ତୃପକ୍ଷ ଟାଇମ ପିଟିସନ ଜରିଆରେ ୧୦ ଦିନ ମହଲତ ମାଗିଥିଲେ । ତେବେ ଡିଭିଜିନାଲ ଶ୍ରମ କମିଶନର ଓଟିଭିର ଆବେଦନକୁ ଖାରଜ କରି ସାନି ନୋଟିସ ଜାରି କରିଛନ୍ତି ।