ଆଖି ବୁଜିଲେ ପଦ୍ମଶ୍ରୀ ଶାନ୍ତିଦେବୀ

ଗୁଣୁପୁର: ପରପାରିରେ ପଦ୍ମଶ୍ରୀ ଶାନ୍ତିଦେବୀ । ସମସ୍ତଙ୍କ ପ୍ରିୟର ବୋଉ ଆଉ ନାହାନ୍ତି । ୮୮ ବର୍ଷ ବୟସରେ ଗତକାଲି ଅର୍ଥାତ ଶନିବାର ବିଳମ୍ବିତ ରାତ୍ରିରେ ତାଙ୍କର ଦେହାନ୍ତ ହୋଇଛି । ହଠାତ୍ ଛାତିରେ ଯନ୍ତ୍ରଣା ଅନୁଭବ କରିବା ପରେ ଚେତାଶୂନ୍ୟ ହୋଇ ପଡିଥିଲେ। ଡାକ୍ତର ପହଞ୍ଚି ଚେକ୍ଅପ କରିବା ପରେ ତାଙ୍କୁ ମୃତ ଘୋଷଣା କରିଛନ୍ତି ।

ଜଣେ ଶ୍ରେଷ୍ଠ ସେବକ, ପରୋପକାରୀ ଓ ସମାଜସେବୀ ମହିଳା ଭାବେ ସାରା ରାଜ୍ୟରେ ପରିଚିତ ଥିଲେ ଶାନ୍ତି ଦେବୀ । ତାଙ୍କ ସେବାକାର୍ଯ୍ୟ ପାଇଁ ସେ ଗତ ନଭେମ୍ବର ମାସରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଠାରୁ ପଦ୍ମଶ୍ରୀ ଉପାଧିରେ ଭୂଷିତ ହୋଇଥିଲେ। ଅଚାନକ ଶାନ୍ତିଦେବୀଙ୍କ ଦେହାନ୍ତ ସଭିଙ୍କୁ ସ୍ତମ୍ଭିଭୁତ କରିଛି  ।