ଆପଣଙ୍କ ଶରୀରରେ ଦେଖାଯାଉଛି କି ଏହିସବୁ ଲକ୍ଷଣ, ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ …

ନନ୍ଦିଘୋଷ ବ୍ୟୁରୋ: ପ୍ରାୟତଃ ଲୋକମାନେ ଗଣ୍ଠିର ଯନ୍ତ୍ରଣା କିମ୍ବା ଫୁଲାକୁ ସାଧାରଣ ଭାବି ଅଣଦେଖା କରନ୍ତି, କିନ୍ତୁ ଏହା ଆପଣଙ୍କ ଶରୀରରେ ଅଧିକ ୟୁରିକ୍ ଏସିଡର ପ୍ରାରମ୍ଭିକ ଲକ୍ଷଣ ହୋଇପାରେ। ଏହାକୁ ସମୟ ମଧ୍ୟରେ ଚିହ୍ନଟ କରିବା ଗୁରୁତ୍ୱପୂର୍ଣ୍ଣ ନଚେତ୍ ଏହା ଗଣ୍ଠି ଯନ୍ତ୍ରଣା ଭଳି ଗମ୍ଭୀର ସମସ୍ୟା ସୃଷ୍ଟି କରିପାରେ। ଡାକ୍ତରଙ୍କ ଅନୁଯାୟୀ ଯେତେବେଳେ ଶରୀରରେ ୟୁରିକ୍ ଏସିଡର ସ୍ତର ବୃଦ୍ଧି ପାଏ ଏହା ଗଣ୍ଠିରେ ସ୍ଫଟିକ ଆକାରରେ ଜମା ହେବା ଆରମ୍ଭ କରେ ଯାହା ଫୁଲିବା, ଲାଲ ହେବା ଏବଂ ପ୍ରବଳ ଯନ୍ତ୍ରଣା ହୋଇଥାଏ ।

ୟୁରିକ୍ ଏସିଡ୍ ବୃଦ୍ଧି ପାଇଲେ କେଉଁ ସ୍ଥାନରେ ଯନ୍ତ୍ରଣା ହୁଏ ?

ଆଙ୍ଗୁଠିରେ ତୀବ୍ର ଯନ୍ତ୍ରଣା – ଏହା ସବୁଠାରୁ ସାଧାରଣ ଲକ୍ଷଣ । ଯନ୍ତ୍ରଣା ହଠାତ୍ ଆରମ୍ଭ ହୁଏ ଏବଂ ରାତିରେ ଅଧିକ ଅନୁଭୂତ ହୁଏ ।

ଆଣ୍ଠୁ ଏବଂ ଗୋଇଠି ଫୁଲିବା – ଫୁଲିବା ସହିତ ଯନ୍ତ୍ରଣା ବଢ଼ିପାରେ ।

ଆଙ୍ଗୁଠିରେ କଠିନତା – ହାତ ବଙ୍କା ହେବା କିମ୍ବା କାମ କରିବାରେ କଷ୍ଟ ଏବଂ ବିଶେଷକରି ଏହା ସକାଳେ ବେଶୀ ଅନୁଭୂତ ହୁଏ ।

ଗୋଇଠି ଯନ୍ତ୍ରଣା – ଚାଲିବା କିମ୍ବା ଠିଆ ହେବା ସମୟରେ ଅସୁବିଧା ହୁଏ ଲବଂ ଯନ୍ତ୍ରଣା ଅନୁଭୂତ ହୁଏ ।

ୟୁରିକ ଏସିଡ୍ ବୃଦ୍ଧିର କାରଣ

-ଅଧିକ ପରିମାଣରେ ରେଡ୍ ମିଟ୍ ଏବଂ ସାମୁଦ୍ରିକ ଖାଦ୍ୟ ଖାଇବା

-ଚିନି ଏବଂ ମିଠା ପାନୀୟ ଅଧିକ ଖାଇବା

-ଅତ୍ୟାଧିକ ମଦ୍ୟପାନ, ବିଶେଷକରି ବିୟର ସେବନ

-ଶାରୀରିକ କାର୍ଯ୍ୟକଳାପ ହ୍ରାସ

-କିଡ଼ନୀ ସମସ୍ୟା ଯୋଗୁଁ ୟୁରିକ ଏସିଡ୍ ଠିକ୍ ଭାବରେ ବାହାରିନପାରିବା

ତୁରନ୍ତ ଡାକ୍ତରଙ୍କ ପରାମର୍ଶ କରନ୍ତୁ

ଯଦି ଆପଣ ଏହି ସବୁ ସ୍ଥାନରେ ବାରମ୍ବାର ଯନ୍ତ୍ରଣା, ଫୁଲା ଅନୁଭବ କରୁଛନ୍ତି ତେବେ ତୁରନ୍ତ ରକ୍ତ ପରୀକ୍ଷା କରନ୍ତୁ। ଯଦି ଦୀର୍ଘ ସମୟ ଧରି ଚିକିତ୍ସା ନକରାଯାଏ ତାହେଲେ ଏହା କ୍ରନିକ ଗାଉଟ୍, ଷ୍ଟୋନ ନଚେତ୍ କିଡ଼ନୀ ନଷ୍ଟର କାରଣ ହୋଇପାରେ ।

ୟୁରିକ ଏସିଡ୍ କେମିତି ରୋକିବେ ?

-ପ୍ରତିଦିନ ଅତି କମରେ ୮-୧୦ ଗ୍ଲାସ ପାଣି ପିଅନ୍ତୁ

-ମାଂସ, ମଦ୍ୟପାନ ଏବଂ ମିଠା ପାନୀୟଠାରୁ ଦୂରରେ ରୁହନ୍ତୁ

-ଖାଦ୍ୟରେ ତାଜା ଫଳ ଏବଂ ସବୁଜ ପନିପରିବା ସାମିଲ କରନ୍ତୁ

-ନିୟମିତ ବ୍ୟାୟାମ କରନ୍ତୁ ଏବଂ ଓଜନ ନିୟନ୍ତ୍ରଣରେ ରଖନ୍ତୁ

-କମ୍ ଚର୍ବିଯୁକ୍ତ ଦ୍ରବ୍ୟ ଖାଆନ୍ତୁ

ଶରୀରର କୌଣସି ଅଂଶରେ ଲଗାତାର ଯନ୍ତ୍ରଣାକୁ କେବେବି ଅଣଦେଖା କରନ୍ତୁ ନାହିଁ, ବିଶେଷକରି ଯଦି ଏହା ଗଣ୍ଠି ସହିତ ଜଡିତ। ସମୟସୀମା ମଧ୍ୟରେ ଅଧିକ ୟୁରିକ ଏସିଡର ଚିହ୍ନଟ ଏବଂ ଚିକିତ୍ସା ଆପଣଙ୍କ ଗଣ୍ଠି ଗୁଡିକୁ ଦୀର୍ଘ ସମୟ ପାଇଁ ସୁସ୍ଥ ରଖିପାରିବ।