ଇସଲାମାବାଦ: ଆଜି ପାକିସ୍ତାନ ରାଷ୍ଟ୍ରପତି ନିର୍ବାଚନ। ରାଷ୍ଟ୍ରପତି ନିର୍ବାଚନ ସକାଶେ ନ୍ଯାସନାଲ ଆସେମ୍ବ୍ଲିରେ ଉଭୟ ଗୃହର ମିଳିତ ଅଧିବେଶନ ଲାଗି ସମନ ଜାରି କରିଥିଲେ ନବନିର୍ବାଚିତ ବାଚସ୍ପତି ଆୟାଜ ସାଦିକ। ପୂର୍ବତନ ରାଷ୍ଟ୍ରପତି ଅସିଫ ଅଲ୍ଲୀ ଜର୍ଦ୍ଦାରୀ ପ୍ରାୟ ୧୧ ବର୍ଷ ପରେ ପୁଣି ଥରେ ନୂଆ ରାଷ୍ଟ୍ରପତି ହେବା ଆଶା ଉଜ୍ବଳ ରହିଛି। ଅସିଫ ଅଲ୍ଲୀ ଜର୍ଦ୍ଦାରୀଙ୍କ ବିରୋଧରେ ପ୍ରାର୍ଥୀ ଅଛନ୍ତି ପାଖତୁନ ନେତା ମହମ୍ମଦ ଖାଁ ଆଚାକଜାଇ। ଜର୍ଦ୍ଦାରୀଙ୍କୁ ସମର୍ଥନ କରୁଛନ୍ତି ପାକିସ୍ତାନ ମୁସଲିମ ଲିଗ- ନୱାଜ ଓ ପାକିସ୍ତାନ ପିପୁଲସ ପାର୍ଟି। ଯଦି ଜର୍ଦ୍ଦାରୀ ବିଜୟୀ ହୁଅନ୍ତି ତେବେ ସେ ହେବ ଦ୍ବିତୀୟ ଥର ଲାଗି ରାଷ୍ଟ୍ରପତି। ୨୦୦୮ରୁ ୨୦୧୩ ଯାଏ ଅସିଫ ଥିଲେ ରାଷ୍ଟ୍ରପତି। ସେପଟେ ୭୫ ବର୍ଷ ବୟସ୍କ ଆଚାକଜାଇ ବାଲୁଚସ୍ତାନର ହୋଇଥିବାବେଳେ ସେ ପାଖତୁନଖାୱା ମିଲ୍ଲୀ ଆୱାମି ପାର୍ଟିର ନେତା ଅଛନ୍ତି । ସଂସଦରେ ଆଚାକଜାଇଙ୍କୁ ସମର୍ଥନ କରୁଛନ୍ତି ସୁନ୍ନି ଇତେହାଦ କାଉନସିଲ ।
