ସିଦ୍ଧାର୍ଥ ମଲହୋତ୍ରା ନା ଜାହ୍ନବୀ କପୁର… କିଏ ପାଇବେ ଅଧିକା ପଇସା ?

ନନ୍ଦିଘୋଷ ବ୍ୟୁରୋ: ୨ ବର୍ଷ ପରେ ଫିଲ୍ମ ପରଦାକୁ ଫେରିଛନ୍ତି  ବଲିଉଡ ଅଭିନେତା ସିଦ୍ଧାର୍ଥ ମଲହୋତ୍ରା । ବଲିଉଡ ଅଭିନେତା ସିଦ୍ଧାର୍ଥ ମଲହୋତ୍ରା ଏବଂ ଜାହ୍ନବୀ କପୁରଙ୍କ ଫିଲ୍ମ ‘ପରମ ସୁନ୍ଦରୀ’ ସିନେମା ହଲରେ ମୁକ୍ତିଲାଭ କରିଛି।  ପ୍ରଥମ ଦିନରେ ଫିଲ୍ମଟି ଦର୍ଶକଙ୍କ ମନ କିଣିଛି ଦର୍ଶକଙ୍କୁ ଏହା ପସନ୍ଦ ଆସିଛି । ଏହି ଫିଲ୍ମଟି ତୁଷାର ଜଲୋଟାଙ୍କ ଦ୍ୱାରା ନିର୍ଦ୍ଦେଶିତ, ଯେଉଁଥିରେ ଦକ୍ଷିଣ ଏବଂ ଉତ୍ତର ଦେଶର ଲୋକଙ୍କ ପ୍ରେମ କାହାଣୀ ପ୍ରଦର୍ଶିତ ହୋଇଛି। ପ୍ରଥମ ଦିନରେ ଫିଲ୍ମଟି ୭.୨୫ କୋଟି ଟଙ୍କା ରୋଜଗାର କରିଛି। ଏହି ପ୍ରେମ କାହାଣୀରେ କମେଡିର ତଡ଼କା ମଧ୍ୟ ଲୋକମାନେ ପସନ୍ଦ କରୁଛନ୍ତି।  ଫିଲ୍ମର ଆୟ ସହିତ, କଳାକାରଙ୍କ ଫିସ୍ ମଧ୍ୟ ଲୋକଙ୍କ ମଧ୍ୟରେ ଆଲୋଚନାର ବିଷୟ ସାଜିଛି । କେଉଁ ଷ୍ଟାରଙ୍କର କେତା ଫିସ ରହିଛି ତାକୁ ନେଇ ମଧ୍ୟ ଅନେକ ଆଲୋଚନା ଚାଲିଛି ।

‘ପରମ ସୁନ୍ଦରୀ’ ୨୯ ଅଗଷ୍ଟରେ ମୁକ୍ତିଲାଭ କରିଛି ।  ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏବଂ ଜାହ୍ନବୀ କପୁର ମୁଖ୍ୟ ଭୁମିକାରେ ଅଭିନୟ କରିଛନ୍ତି। ଉଭୟ ଷ୍ଟାର ପ୍ରଥମ ଥର ପାଇଁ ଏକ ଯୋଡ଼ି ଭାବରେ ପରଦାରେ ଦେଖାଦେଇଛନ୍ତି।ପ୍ରଥମ ଥର ଏହି ଯୋଡ଼ିକୁ ଦେଖିବାକୁ ଦର୍ଶକ ବେଶ ଖୁସି ଅଛନ୍ତି । ତଥାପି, ଫିଲ୍ମ ପ୍ରତି ଦର୍ଶକଙ୍କ ପ୍ରତିକ୍ରିୟା ସହିତ, ଏହି ପ୍ରଶ୍ନ ମଧ୍ୟ ଉଠାଯାଉଛି ଯେ କେଉଁ ଅଭିନେତା ଏହି ଫିଲ୍ମ ପାଇଁ ସର୍ବାଧିକ ଫିସ୍ ପାଇଛନ୍ତି।କାରଣ ଦୁଇ ଜଣ ବଲିଉଡ଼ର ଦୁଇ ଦକ୍ଷ କଳାକାର ଭାବରେ ଜଣାଶୁଣା ।  ତେବେ ଆମେ ଆପଣଙ୍କୁ କହି ରଖୁଛୁ ଯେ ମିଡିଆ ରିପୋର୍ଟ ଅନୁସାରେ, ସିଦ୍ଧାର୍ଥ ମଲହୋତ୍ରାଙ୍କ ଫିସ୍ ଜାହ୍ନବୀଙ୍କ ଠାରୁ ଅଧିକା ରହିଛି ।  ‘ପରମ ସୁନ୍ଦରୀ’ ପାଇଁ ସର୍ବାଧିକ ଫିସ୍ ସିଦ୍ଧାର୍ଥଙ୍କୁ  ଦିଆଯାଇଛି, ଯାହା ୧୦-୧୨ କୋଟି ଟଙ୍କା ମଧ୍ୟରେ। ସେହିପରି କୁହାଯାଉଛି ଯେ ଜାହ୍ନବୀ କପୁରଙ୍କୁ ଏହି ଫିଲ୍ମରେ ତାଙ୍କ ଭୂମିକା ପାଇଁ ୪-୫ କୋଟି ଟଙ୍କା ଫିସ୍ ମିଳିଛି।

ଅନ୍ୟ କଳାକାରଙ୍କ ଫିସ୍ କେତେ :

ସେହିପରି  ଫିଲ୍ମରେ ଜଡିତ ଅନ୍ୟ କଳାକାରମାନଙ୍କ ବିଷୟରେ କହିବାକୁ ଗଲେ, ସଞ୍ଜୟ କପୁର ମଧ୍ୟ ଫିଲ୍ମର ଏକ ଗୁରୁତ୍ୱପୂର୍ଣ୍ଣ ଭୁମିକା କରିଛନ୍ତି , ଯିଏ ୫୦ ଲକ୍ଷ ଟଙ୍କା ପାଇଛନ୍ତି। ସଞ୍ଜୟ କପୁର ଫିଲ୍ମରେ ସିଦ୍ଧାର୍ଥ ମାଲହୋତ୍ରାଙ୍କ ପିତାଙ୍କ ଭୂମିକାରେ ଅଭିନୟ କରିଛନ୍ତି। ମନଜୋତ ସିଂହ, ଯିଏ ଫିଲ୍ମର ଏକ ଅଂଶ, ସେ ୨୫ ଲକ୍ଷ ଟଙ୍କା ପାଇଛନ୍ତି। ମ୍ୟାଡକ୍ ଫିଲ୍ମସ୍ ବ୍ୟାନରରେ ନିର୍ମିତ ଏହି ଫିଲ୍ମର ରୋଜଗାର ଉପରେ ସମସ୍ତଙ୍କ ନଜର ରହିଛି।

୨ବର୍ଷ ପରେ ପୁଣି ଫେରିଲେ ସିଦ୍ଧାର୍ଥ:

ଲୋକମାନେ ଫିଲ୍ମର ଆୟ ବିଷୟରେ ବହୁତ ଅନୁମାନ କରିଥିଲେ, କାରଣ ସିଦ୍ଧାର୍ଥ ଏବଂ ଜାହ୍ନବୀଙ୍କ ଏହି ନୂଆ ଯୋଡ଼ି ସାମ୍ନାକୁ ଆସିଛି। ଏହା ସହିତ, ସିଦ୍ଧାର୍ଥ ୨ ବର୍ଷ ପରେ ଫିଲ୍ମ ପରଦାକୁ ଫେରିଛନ୍ତି। କିନ୍ତୁ, ଜାହ୍ନବୀ କପୁର ଅନେକ ପ୍ରୋଜେକ୍ଟରେ କାମ କରିସାରିଛନ୍ତି। କିଛି ଲୋକ ଫିଲ୍ମକୁ ବହୁତ ପସନ୍ଦ କରୁଥିବା ବେଳେ, ଅନେକ ଲୋକ ଏହାକୁ ଚେନ୍ନାଇ ଏକ୍ସପ୍ରେସର କପି ମଧ୍ୟ କହୁଛନ୍ତି। ତଥାପି, ସଠିକ ଆୟ ସଂଖ୍ୟା ପାଇଁ,ଏବଂ ଫିଲ୍ମଟିର ରିଭିୟୁ ପାଇଁ ସପ୍ତାହର ଶେଷ ପର୍ଯ୍ୟନ୍ତ ଅପେକ୍ଷା କରିବାକୁ ପଡିବ। ସେତେବେଳେ ଜଣାପଡ଼ିବ ଫିଲ୍ମଟି ଦର୍ଶକଙ୍କୁ ପସନ୍ଦ ଆସିଛି କି ନାହିଁ… ।