ବାଲିପାଟଣା: ନିର୍ବାଚନରେ ଟିକେଟ ବଣ୍ଟାକୁ ନେଇ ବିଜେପିର ଗୋଷ୍ଠୀ କନ୍ଦଳ। ଖୋର୍ଦ୍ଧା ଜିଲ୍ଲା ଜୟଦେବ ବିଜେପିରେ ଦେଖାଦେଇଛି ପୁନର୍ବାର ଅସନ୍ତୋଷ। ଚଳିତ ନିର୍ବାଚନରେ ବିଜେପି ଅରବିନ୍ଦ ଢ଼ାଲିଙ୍କୁ ଟିକେଟ ଦେବାରୁ କର୍ମୀ ଏବଂ ସମର୍ଥକଙ୍କ ଅସନ୍ତୋଷ ପ୍ରକାଶ ପାଇବାରେ ଲାଗିଛି।
ଅପରାଜିତାଙ୍କ ବିରୋଧରେ ସ୍ଲୋଗାନ ଦେଇ ଶତାଧିକ ଅସନ୍ତୁଷ୍ଟ ବିଜେପି କର୍ମୀ ପ୍ରତିବାଦ କରିଥିଲେ। ଗତକାଲି ସନ୍ଧ୍ୟାରେ ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ବାଲିପାଟଣା ବ୍ଲକ ଦନାପଡାରେ ଏକ କାର୍ଯ୍ୟକ୍ରମରେ ଯୋଗଦେଇଥିଲେ। ସେଠାରେ ବିଜେପି କର୍ମୀ ମାନେ ତାଙ୍କୁ ବିରୋଧ କରିଥିଲେ। ଆଇନ ଶୃଙ୍ଖଳା ଦୁଷ୍ଟିରୁ ବାଲିପାଟଣା ପୋଲିସ ଘଟଣାସ୍ଥଳରେ ମୁତୟନ ହୋଇଥିଲେ।
