ନନ୍ଦିଘୋଷ ବ୍ୟୁରୋ : ପଟ୍ଟାମୁଣ୍ଡାଇ ଛାତ୍ରୀ ମୃତ୍ୟୁ ଘଟଣାରେ ବୟଫ୍ରେଣ୍ଡ ପ୍ରମୋଦ ବେହେରା ଗିରଫ । ତାଙ୍କୁ ଗିରଫ କଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ପୋଲିସ। ଏହି ସୂଚନା ଦେଇଛନ୍ତି କେନ୍ଦ୍ରାପଡ଼ା ଏସପି । ଦୁଇ ଦିନ ଆଗରୁ ପ୍ରମୋଦଙ୍କୁ ଚେନ୍ନାଇରୁ ଉଠାଇ ଆଣିଥିଲା ପୋଲିସ। ଗତକାଲି ପ୍ରମୋଦ ନାଁରେ ଏତଲା ଦେଇଥିଲେ ପୀଡ଼ିତାଙ୍କ ପରିବାର । ଏଥିରୁ ଜଣାପଡୁଥିଲା ଯେ, କୌଣସି ମୁହୂର୍ତ୍ତିରେ ବି ପ୍ରମୋଦଙ୍କୁ ଗିରଫ କରାଯାଇପାରେ।
ମୃତ ଛାତ୍ରୀଙ୍କ ବାପାଙ୍କ ଏତଲା ଆଧାରରେ ମାମଲା ରୁଜୁ କରିଥିଲା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ପୋଲିସ। ଛାତ୍ରୀଙ୍କ ପୁରୁଷ ବନ୍ଧୁଙ୍କ ନାଁରେ ମାମଲା ରୁଜୁ କରି ବିଏନଏସର ଧାରା 296, 75, 78, 108, 66e, 67a ପରି ସଂଗୀନ ଦଫା ପୁରୁଷ ବନ୍ଧୁଙ୍କ ଉପରେ ଲଗାଇଥିଲା ପୋଲିସ। ଝିଅକୁ ପ୍ରେମିକ ମାନସିକ ନିର୍ଯାତନା ଦେଇଥିବା କାରଣରୁ ଝିଅ ଆତ୍ମହତ୍ୟା କରିଥିବା ଅଭିଯୋଗ ଆଣିଥିଲେ ମୃତ ଛାତ୍ରୀଙ୍କ ବାପା।ସୂଚନା ଅନୁସାରେ ଘଟଣା ଦିନ ପୀଡ଼ିତାଙ୍କ ସହିତ କଥା ହୋଇଥିଲେ ପ୍ରମୋଦ। ତାଙ୍କ ମୋବାଇଲରୁ ପୀଡ଼ିତାଙ୍କ ଅଶ୍ଲୀଫ ଭିଡିଓ ମିଳିଛି। ସେ ପୀଡ଼ିତାଙ୍କ ବାପାଙ୍କୁ ବି ପଠାଇଥିଲେ ଅଶ୍ଲୀଳ ଭିଡିଓ। ଅନ୍ୟ ଦୁଇ ଜଣଙ୍କୁ ବି ଅଶ୍ଳୀଳ ଭିଡିଓ ପଠାଇଥିଲେ। ଗାଁର ସିସିିଟିଭିରୁ ବି କିଛି ତଥ୍ୟ ମିଳିଛି।
