ଦାରିଙ୍ଗବାଡି: ଶୀତରେ ଥରୁଛି କନ୍ଧମାଳ। ଓଡ଼ିଶାର କାଶ୍ମୀର ବୋଲାଉଥିବା ଦାରିଙ୍ଗବାଡିରେ ଲଗାତାର ତାପମାତ୍ରା କମିବା ସହିତ ଶୀତ ବଢିବାରେ ଲାଗିଛି। କନ୍ଧମାଳର ଶୀତ ବେଶ୍ ସ୍ବତନ୍ତ୍ର । ହାଲୁକା କୁହୁଡି ସହିତ ଠୋପାଠୋପା କାକର ବିନ୍ଦୁର ମଜା ଉଠାଉଛନ୍ତି ଲୋକେ।
ଶୀତର ମଜା ନେବା ପାଇଁ ସକାଳୁ ସକାଳୁ ଚା ଦୋକାନରେ ଭିଡ ଜମୁଥିବାବେଳେ ପଡିଆରେ ବ୍ୟାୟାମ ପାଇଁ ଗହଳି ଦେଖିବାକୁ ମିଳୁଛି। ନିଜକୁ ଫିଟ୍ ରଖିବା ପାଇଁ ସବୁ ବର୍ଗର ଲୋକେ ସକାଳୁ ମର୍ଣ୍ଣି ଓ୍ବାକ୍, ଯୋଗ, ବ୍ୟାୟାମ କରି ଫୁର୍ତ୍ତି ହେଉଛନ୍ତି।
