ଶ୍ରୀମନ୍ଦିର ପରି ଝଟକିବ କୋଣାର୍କ ସୂର୍ଯ୍ୟ ମନ୍ଦିର, ତ୍ୱରାନିତ ହେବ ସୌନ୍ଦର୍ଯ୍ୟକରଣ କାର୍ଯ୍ୟ

ପୁରୀ: ଶ୍ରୀମନ୍ଦିର ପରି ଝଟକିବ କୋଣାର୍କ ସୂର୍ଯ୍ୟ ମନ୍ଦିର । ଶ୍ରୀମନ୍ଦିର ଚତୁଃର୍ପାଶ୍ୱ 75ମିଟର ସୌନ୍ଦର୍ଯ୍ୟ କରଣ ଭଳି କୋଣାର୍କରେ ମଧ୍ୟ ସୌନ୍ଦର୍ଯ୍ୟକରଣ ଓ ଉନ୍ନତିମୂଳକ କାର୍ଯ୍ୟ କରାଯିବ | ପ୍ରାଥମିକ ସ୍ତରରେ ଷ୍ଟ୍ରିଟ ଭେଣ୍ଡରମାନଙ୍କୁ ଥଇଥାନ କରାଯିବା ନେଇ ଅସ୍ଥାୟୀ ସ୍ଥାନ ନିରୂପଣ କରାଯାଇଛି | ସେହି ଭଳି କୋଣାର୍କ ମନ୍ଦିର ଚତୁର୍ପାଶ୍ୱ ରେ ପ୍ରଭାବିତ ହେଉଥିବା ଲଜିଙ୍ଗ, ଘର ଓ ହୋଟେଲ ମାନଙ୍କୁ R&R ପ୍ୟାକେଜ ଅନୁସାରେ ଥଇଥାନ କରାଯିବ |

ରାଜ୍ୟ ସରକାର ପୁରୀର ସୌନ୍ଦର୍ଯ୍ୟକରଣ ପାଇଁ ଯେଉଁଭଳି ପ୍ରଜୋକ୍ଟ ପ୍ରସ୍ତୁତ କରିବା ସହ ସ୍ୱତନ୍ତ୍ର ପ୍ୟାକେଜ ବ୍ୟବସ୍ଥା କରିଛନ୍ତି  । ସେହିଭଳି ଭାବେ ଅର୍କକ୍ଷେ୍ର କୋଣାର୍କର ପାରିପାର୍ଶ୍ୱିକ ଉନ୍ନତି ପାଇଁ ମଧ୍ୟ ବ୍ୟବସ୍ଥା କରିବେ ବୋଲି ଉଲ୍ଲେଖ କରିଛନ୍ତି ଜିଲ୍ଲାପାଳ  । ଶ୍ରୀକ୍ଷେତ୍ରରେ ଯେପରି 75ମିଟର ସୌନ୍ଦର୍ଯ୍ୟକରଣ କାର୍ଯ୍ୟ ଜାରି ରହିଛି, ସେହିପରି କୋଣାର୍କର ମଧ୍ୟ ଉନ୍ନତି କାର୍ଯ୍ୟ କରାଯିବ ବୋଲି ସ୍ପଷ୍ଟ କରିଛନ୍ତି ଜିଲ୍ଲାପାଳ  ।