କଟକ ହିଂସାକୁ ନେଇ ଘରେ ଘରେ ପୋଲିସର ଯାଞ୍ଚ

କଟକ ହିଂସାକୁ ନେଇ ଘରେ ଘରେ ପୋଲିସର ଯାଞ୍ଚ। ହାତୀ ପୋଖରୀ ଅଞ୍ଚଳରେ ଘରେ ଘରେ ଯାଞ୍ଚ କରୁଛି ପୋଲିସ । ବରିଷ୍ଠ ପୋଲିସ ଅଧିକାରୀଙ୍କ ଉପସ୍ଥିତିରେ ଏହି ଯାଞ୍ଚ କରାଯାଉଛି। ଦୁଇ ଜଣ ଏସିପି, ତିନି ଜଣ ଇନ୍ସପେକ୍ଟର ଓ ଫୋର୍ସ ସହ ପାଞ୍ଚଟି ଘର ଖାନତଲାସ କରାଯାଇଛି। ଗିରଫ ହୋଇଥିବା ଓ କିଛି ସନ୍ଦିଗ୍ଧଙ୍କ ଘରେ ଯାଞ୍ଚ କରାାଯାଇଛି। କାଳେ ଘରେ କିଛି ଆପତ୍ତି ଜନକ ସାମଗ୍ରୀ ରହିଛି କି ତାର ଯାଞ୍ଚ କରାଯାଉଛି। ଦୁର୍ଗାପୂଜା ଭସାଣ ଗଣ୍ଡଗୋଳକୁ ନେଇ ବ୍ଯାପକ ହିଂସାକାଣ୍ଡ ହୋଇଥିଲା କଟକରେ। ଜଳାପୋଡ଼ା ଓ ବ୍ୟାପକ ଭଙ୍ଗାରୁଜା ହୋଇଥିଲା। ପରିସ୍ଥିତି ନିୟନ୍ତ୍ରଣ କରିବାକୁ କର୍ଫ୍ୟୁ ଜାରି କରିବାକୁ ପଡ଼ିଥିଲା। ୧୩ଟି ଥାନା ଅଞ୍ଚଳରେ ଜାରି କରାଯାଇଥିଲା କର୍ଫ୍ୟୁ। ଏପରିକି ଇଣ୍ଟରନେଟ ଓ ସୋସିଆଲ ମିଡିଆରେ ବି କଟକଣା ଜାରି କରାଯାଇଛି। ତା ପରେ ସୁଧୁରିଥିଲା ପରିସ୍ଥିତି। କିନ୍ତୁ ଗଣ୍ଡଗୋଳର ଅଭିଯୁକ୍ତଙ୍କୁ ଧରିବାକୁ ପୋଲିସ ଚଲାଇଛି ଧରପଗଡ଼। ପ୍ରଥମ ଗଣ୍ଡଗୋଳକୁ ନେଇ ୯ ଜଣଙ୍କୁ ଗିରଫ କରଯାଇଛି।