ରାଜଧାନୀରେ ହାଇ ପ୍ରୋଫାଇଲ୍ ସେକ୍ସ ରାକେଟ, ଇଭେଣ୍ଟ ପାର୍ଟିରୁ ଯୋଗାଡ଼ ହେଉଥିଲେ ଯୁବତୀ
ଭୁବନେଶ୍ୱର: ରାଜଧାନୀରେ ହାଇ ପ୍ରୋଫାଇଲ ସେକ୍ସ ରାକେଟ୍ । ଲକ୍ଷ୍ମୀସାଗର ଥାନା ଅଞ୍ଚଳର ଏକ ଆପାର୍ଟମେଣ୍ଟରେ ଚାଲିଥିଲା ଦେହ ବ୍ୟବସାୟ । ୨ ଜଣ ଯୁବକଙ୍କୁ ପୋଲିସ ଗିରଫ କରିଥିବା ବେଳେ ୨ ଜଣ ଓଡ଼ିଆ ଯୁବତୀଙ୍କୁ ଉଦ୍ଧାର କରାଯାଇଛି । ବହୁ ଆପତ୍ତି ଜନକ ସାମଗ୍ରୀ ଜବତ କରିବା ସହ ସେକ୍ସ ସିଣ୍ଡିକେଟ ନେଇ ଖୋଳତାଡ଼ କରୁଛି ପୋଲିସ ।
ରାଜଧାନୀରେ ବମ୍ବେ ଷ୍ଟାଇଲରେ ସେକ୍ସ ରାକେଟ୍ । ହାଇପ୍ରୋଫାଇଲ ଆପାର୍ଟମେଣ୍ଟ ହାଇପ୍ରୋଫାଇଲ ସେକ୍ସ ସିଣ୍ଡିକେଟ । ଇଭେଣ୍ଟ ମ୍ୟାନେଜମେଣ୍ଟ ଛାତ୍ରୀର ଦେହ ବ୍ୟବସାୟ । ଇଭେଣ୍ଟ ପାର୍ଟିରୁ ଯୋଗାଡ଼ ହେଉଥିଲେ ଯୁବତୀ । ଆପାର୍ଟମେଣ୍ଟର ହେଉଥିଲା ରେଭ୍ ପାର୍ଟି । ହ୍ବାଟସଆପରେ ହେଉଥିଲା ରେଟ ଫିକ୍ସ, ବନ୍ଧୁ ବାହାନାରେ ଆପାର୍ଟମେଣ୍ଟକୁ ଆସୁଥିଲେ ଗ୍ରାହକ । ଆପାର୍ଟମେଣ୍ଟର ଉପର ଫ୍ଲାଟରେ ହେଉଥିଲା ଦେହ ସଉଦା । ରାକେଟର କିଙ୍ଗପିନ୍ ଥିଲେ ଇଭେଣ୍ଟ ମ୍ୟାନେଜର ତଥା ନିଜେ ଫ୍ଲାଟ୍ ମାଲିକ । ଲକ୍ଷ୍ମୀସାଗର ଥାନା ପୋଲିସ ପୋଲିସ ଖବର ପାଇ ଚଢାଉ କରିଥିଲା । କେନ୍ଦ୍ରାପଡ଼ାର ଜଣେ ଯୁବତୀଙ୍କୁ ରୁମ ମେଟ୍ ବାହାନାରେ ରଖିଥିଲେ । ଗଞ୍ଜାମର ଦୁଇ ଜଣ ଯୁବକ ଓ ଫ୍ଲାଟ ମାଲିକ ସମେତ ଦୁଇ ଜଣ ଯୁବତୀଙ୍କୁ ପୋଲିସ ଉଦ୍ଧାର କରିଛି ।
ରେଡ୍ ବେଳେ ସମ୍ପୃକ୍ତ ଆପାର୍ଟମେଣ୍ଟରୁ ନଗଦ ୩ ହଜାର ଟଙ୍କା, ମଦ ବୋତଲ ଓ ଆପତ୍ତିଜନକ ସାମଗ୍ରୀ ଜବତ କରିଛି ପୋଲିସ୍ । ଲକଡାଉନ ପରେ ଫ୍ଲାଟ୍ ମାଲିକ ଜଣଙ୍କ ଫ୍ଲାଟକୁ କିଣିଥିଲେ । କିଛିଦିନ ହେଲା ଦେହ ବ୍ୟବସାୟ କରୁଥିବା ପୋଲିସ ନିକଟରେ ସୋସାଇଟି ବାସିନ୍ଦା ଅଭିଯୋଗ କରିଥିଲେ । ତେବେ କେବଳ ଓଡ଼ିଆ ନା ରାଜ୍ୟ ବାହରର ଯୁବତୀକୁ ହାୟର କରୁଥିଲେ, ଏ ସବୁ ଦିଗରେ ପୋଲିସ ଖୋଳତାଡ଼ କରୁଛି । ଦୁଇ ଜଣ ଯୁବତୀଙ୍କୁ ସ୍ବାଧାର ଗୃହକୁ ପଠାଯାଇଥିବା ବେଳେ ୨ ଯୁବକଙ୍କୁ କୋର୍ଟ ଚାଲାଣ କରିଛି ପୋଲିସ ।
