PPF ସୁଧହାର କମାଇଲେ କେନ୍ଦ୍ର ସରକାର

ନୂଆଦିଲ୍ଲୀ: କରୋନା ସଙ୍କଟ ଭିତରେ ପୁଣି ଥରେ ସାଧାରଣ ଲୋକଙ୍କୁ ବଡ ଝଟକା ଦେଇଛନ୍ତି କେନ୍ଦ୍ର ସରକାର । ପବ୍ଲିକ୍ ପ୍ରୋଭିଡେଣ୍ଟ ଫଣ୍ଡ(PPF) ସୁଧହାର କମାଇଛନ୍ତି ମୋଦି ସରକାର । ୬.୪ ପ୍ରତିଶତକୁ କମିଛି PPF ସୁଧହାର । ଦୀର୍ଘ ୪୬ବର୍ଷ ପରେ PPF ସୁଧହାର କମିଛି । ନ୍ୟାସନାଲ ସେଭିଙ୍ଗସ୍ ସାର୍ଟିଫିକେଟ୍(NSC) ୫.୯ ପ୍ରତିଶତକୁ ହ୍ରାସ ପାଇଛି । ଆସନ୍ତାକାଲିଠାରୁ ଲାଗୁ ହେବ ଏହି ନୂଆ ସୁଧହାର ।

ପୂର୍ବରୁ ୭ ପ୍ରତିଶତ ସୁଧହାର ମିଳୁଥିଲା  । ଏବେ ଏହାକୁ କମ୍ କରିଛନ୍ତି କେନ୍ଦ୍ର ସରକାର । ସେହିଭଳି ମିଆଦି ଜମା ଉପରେ ମଧ୍ୟ ସୁଧ କମିଛି । ବର୍ଷିକିଆ ମିଆଦି ଜମା ଉପରେ ସୁଧହାର ୫.୪ ପ୍ରତିଶତରୁ ଖସି ୪.୪ ପ୍ରତିଶତ,  ୨ରୁ ୫ ବର୍ଷ ମଧ୍ୟରେ ସୁଧାହାର ୦.୫ ପ୍ରତିଶତ କମ କରାଯାଇଛି । ରିକରିଂ ଜମା ଉପରେ ୫ ପ୍ରତିଶତରୁ ୫.୮ ପ୍ରତିଶତ ସୁଧ ମିଳିବ ।