ବିଜେପି ବିଧାୟକଙ୍କ ଆଚରଣକୁ ସୋସିଆଲ୍ ମିଡିଆରେ ନିନ୍ଦା

ଭୁବନେଶ୍ୱର: ବିଧାନସଭାରେ ବିଜେପି ବିଧାୟକ ବାଚସ୍ପତିଙ୍କ ଉପରକୁ ଚପଲ ପିଙ୍ଗିବାକୁ ସମସ୍ତେ ନିନ୍ଦା କରୁଛନ୍ତି । ରାଜନେତାଙ୍କ ଠାରୁ ନେଇ ସାଧାରଣ ଜନତା ସମସ୍ତେ ବିଜେପି ବିଧାୟକଙ୍କ ଏଭଳି କାର୍ଯ୍ୟକୁ ନାପସନ୍ଦ କରିଛନ୍ତି । ଆଉ ଏହାକୁ ନେଇ ସୋସିଆଲ୍ ମିଡିଆରେ ଜୋରଦାର ସମାଲୋଚନାର ଶିକାର ହୋଇଛି ବିଜେପି ।

ଏଥିସହ ପଢ଼ନ୍ତୁ- ବିଧାନସଭା ପରିସରରେ ସାମ୍ବାଦିକଙ୍କୁ ବିଜେପି ବିଧାୟକ ବିଷ୍ଣୁଙ୍କ ଦୁର୍ବ୍ୟବହାର

ଫେସବୁକରେ ମନିଷା ମେହର ଲେଖିଛନ୍ତି- ବିଜେପି ସବୁବେଳେ ସଠିକ୍ ନିଷ୍ପତ୍ତିକୁ ରୋକିବା ଲାଗି ଏଭଳି ଶସ୍ତା କାର୍ଯ୍ୟ କରେ ।

କ୍ରିଷ୍ଣା ଆଚାର୍ଯ୍ୟ ଲେଖିଛନ୍ତି- ଏଭଳି ଖରାପ ପରିବେଶ ମୁଁ ଆଗରୁ କେବେ ଦେଖିନାହିଁ… ବିଜେପି ସଦସ୍ୟଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ।

ରଞ୍ଜନ ମହାରଣା ଲେଖିଛନ୍ତି- ବିଜେପିର ଏଭଳି ଆଚରଣ ବିରୋଧରେ ଓଡ଼ିଶା ସରକାର ଉପଯୁକ୍ତ କାର୍ଯ୍ୟାନୁଷ୍ଠାନ ନିଅନ୍ତୁ ।

ପପୁନ ସାହୁ ଲେଖିଛନ୍ତି- ଏଭଳି ଘଟଣା ବହୁତ ନିନ୍ଦନୀୟ । ବିଜେପି ନେତାମାନେ ଶେଷରେ ଏତେ ତଳକୁ ଖସିଗଲେ ।

ପ୍ରଭାତ ସେଠୀ ଲେଖିଛନ୍ତି- ବିଜେପି ବିଧାୟକମାନଙ୍କୁ ବିଧାନସଭାରୁ ବହିଷ୍କାର କରାଯାଉ ।

ନିହାର ଦାସ ଲେଖିଛନ୍ତି- ଲଜ୍ଜା ଲାଗିବା କଥା ବିଜେପି ନେତାଙ୍କୁ, ଏଭଳି ଶସ୍ତା କାମ କରୁଛନ୍ତି ଗୃହ ଭିତରେ ।