ପୁଣି ଧରାପଡିଲେ ପାକିସ୍ତାନ ସ୍ପାଏ , ଗୁପ୍ତଚର ବୃତ୍ତି ଅଭିଯୋଗରେ ଯଶବୀର ସିଂଙ୍କୁ ଗିରଫ କଲା ପଞ୍ଜାବ ପୋଲିସ
1 min read
ନନ୍ଦିଘୋଷ ବ୍ୟୁରୋ : ପୁଣି ଧରାପଡିଲେ ଆଉଜଣେ ପାକିସ୍ତାନ ସ୍ପାଏ। ପାକିସ୍ତାନ ଲାଗି ଗୁପ୍ତଚର ବୃତ୍ତି ଅଭିଯୋଗରେ ପଞ୍ଜାବ ପୋଲିସ ଯଶବୀର ସିଂ ନାମକ ଜଣେ ୟୁଟ୍ୟୁବରଙ୍କୁ ଗିରଫ କରିଛି। ଜନ ମହଲ ଚାନେଲର ପରିଚାଳନା କରୁଥିବା ଯଶବୀରଙ୍କ ମୋଟ ସବସ୍କ୍ରାଇବରଙ୍କ ସଂଖ୍ୟା ୧୧ ଲକ୍ଷ। ପଞ୍ଜାବର ରୂପନଗର ଜିଲ୍ଲା ଅନ୍ତର୍ଗତ ମହ୍ଲାଣ ଗ୍ରାମର ବାସିନ୍ଦା ଯଶବୀରଙ୍କୁ ହେପାଜତକୁ ନେଇଛି ରାଜ୍ୟ ସ୍ବତନ୍ତ୍ର ଅପରେସନ୍ସ ସେଲ ବା SSOC। ପୂର୍ବରୁ ପାକିସ୍ତାନ ଲାଗି ଗୁପ୍ତଚରୀ ବୃତ୍ତି କରିଥିବା ଅଭିଯୋଗରେ ଗିରଫ ହୋଇଛନ୍ତି ହରିଆଣାର ଜ୍ୟୋତି ମାଲହୋତ୍ରା। ପୋଲିସ ସୂତ୍ରରୁ କୁହାଯାଇଛି ପାକିସ୍ତାନୀ ଗୁଇନ୍ଦା ଅଧିକାରୀ ସାକିର ଓରଫ ଜଟ୍ଟ ରନ୍ଧୱାଙ୍କ ସହ ଯୋଗସୂତ୍ରରେ ଥିଲେ। ପାକିସ୍ତାନୀ ଗୁଇନ୍ଦା ସଂସ୍ଥା ଆଇଏସଆଇ ସହ ସାକିରର ସମ୍ପର୍କ ଥିବା କୁହାଯାଇଛି। ନୂଆଦିଲ୍ଲୀସ୍ଥିତ ପାକିସ୍ତାନ ହାଇକମିଶନରେ କାର୍ଯ୍ୟରତ ପୂର୍ବତନ କର୍ମଚାରୀ ଏହସାନ-ଉର-ରହିମ ଓରଫ ଦାନିସ ସହ ଯଶବୀରଙ୍କ ସମ୍ପର୍କ ଥିଲା। ଗୁପ୍ତଚରୀ ବୃତ୍ତି ଅଭିଯୋଗରେ ଦାନିସଙ୍କୁ ବହିଷ୍କାର କରିଥିଲେ ଭାରତ ସରକାର ।
