କଂଗ୍ରେସ ଗଢ଼ିବ ସୋସିଆଲ୍ ମିଡିଆ ୱାରିଅର୍ସ ଟିମ୍, ସାମିଲ୍ ହେବାକୁ ରାହୁଲଙ୍କ ଆହ୍ୱାନ

ନୂଆଦିଲ୍ଲୀ: କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧି ଲୋକଙ୍କୁ ସୋସିଆଲ୍ ମିଡିଆ ୱାରିଅର୍ସ ଟିମରେ ଯୋଗଦେବାକୁ ଅପିଲ୍ କରିଛନ୍ତି । ସୋସିଆଲ୍ ମିଡିଆରେ ଦଳର ସ୍ଥିତି ଜାହିର୍ କରିବାକୁ ପନ୍ଥା ଆପଣାଇଛି କଂଗ୍ରେସ । ସୋସିଆଲ୍ ମିଡିଆ ୱାରିଅର୍ସ ଟିମରେ ଯୋଗଦେବା ଲାଗି ଦଳ ଟୋଲଫ୍ରି ନମ୍ବର ମଧ୍ୟ ଜାରି କରିଛି । ଏଥିପାଇଁ ହ୍ୱାଟ୍ସଆପ୍, ୱେବସାଇଟ ଓ ଇମେଲ୍ ଆଇଡି ଜାରି କରାଯାଇଛି ।

India needs non violent warriors to fight for truth, compassion & harmony. You are central to defending the idea of India.

Come, #JoinCongressSocialMedia in this fight.

India needs you! pic.twitter.com/DhBsHMKU22

— Rahul Gandhi (@RahulGandhi) February 8, 2021

ଏନେଇ ରାହୁଲ ଗାନ୍ଧି ଏକ ଭିଡିଓ ଜାରି କରିଛନ୍ତି । କହିଛନ୍ତି- ଏହି ଟିମ୍ ନ୍ୟାୟ ପାଇଁ ଲଢ଼ୁଥିବା ଯୋଦ୍ଧାଙ୍କର । ଏହା ଘୃଣା ସୃଷ୍ଟି କରୁଥିବା ଗୋଷ୍ଠୀ ନୁହେଁ । ଏହା ହିଂସାକାରୀ ସେନା ନୁହେଁ । ଏହା ସତ୍ୟର ସେନା । ଏହା ଏଭଳି ସେନା ଯିଏ ଭାରତର ବିଚାରଧାରକୁ ରକ୍ଷା କରିବ ।

ସୋମବାର ଦଳର ବରିଷ୍ଠ ନେତା ପୱନ କୁମାର ବଂଶଲ, ମୁଖପାତ୍ର ପୱନ ଖେଡ଼ା ଓ ଦଳର ସୋସିଆଲ୍ ମିଡିଆ ମୁଖ୍ୟ ରୋହନ ଗୁପ୍ତା ଏହି ଅଭିଯାନର ଆରମ୍ଭ କରିଛନ୍ତି । ପ୍ରତି ସହରରୁ ୫ ଲକ୍ଷ ସୋସିଆଲ୍ ମିଡିଆ ୱାରିଅର୍ସ ପାଇଁ ଲକ୍ଷ୍ୟ ରଖିଛି କଂଗ୍ରେସ । ଏହାରି ମାଧ୍ୟମରେ ଦଳ ଦେଶର ପ୍ରସଙ୍ଗ ଉଠାଇବ । ଏଥିସହ ଏହି ଯୋଦ୍ଧାଙ୍କ ସାହାଯ୍ୟରେ ବିଚାର ଓ ସିନ୍ଧାନ୍ତ ନେଇ ଆଲୋଚନା ହେବ ।