ରାହୁଲଙ୍କ ଲଦାଖ ଟ୍ରିପ୍, ଆଜି ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କୁ ଭେଟିବା କାର୍ଯ୍ୟକ୍ରମ
ଲଦାଖ: ଲଦାଖ ଗସ୍ତରେ କଂଗ୍ରେସ ସାଂସଦ ରାହୁଲ ଗାନ୍ଧୀ । ବାଇକର୍ସଙ୍କ ସହ ରାଇଡ ପରେ ଲେହ ମେନ୍ ମାର୍କେଟରେ ବୁଲିବା ସହ ସେନାର ବହୁ ପୂର୍ବତନ ଅଧିକାରୀଙ୍କୁ ଭେଟିଛନ୍ତି ରାହୁଲ । ସ୍ଥାନୀୟ ଏକ ରେଷ୍ଟୁରାଣ୍ଟରେ ପୂର୍ବତନ ସେନା ଅଧିକାରୀଙ୍କ ସହ ରାହୁଲ ତ୍ରିରଙ୍ଗା ଉଡାଇବା ପରେ ସ୍ଥାନୀୟ ଲୋକଙ୍କ ସହ ଆଲୋଚନା କରିଥିଲେ । ଲେହ ମାର୍କେଟରେ ପୂର୍ବତନ ସେନା ଅଧକାରୀଙ୍କୁ ଭେଟିବା ସହ ସ୍ଥାନୀୟ ଲୋକଙ୍କ ସହ ଆଲୋଚନା କରିବାର ଭିଡିଓ କଂଗ୍ରେସ ଅଫିସିଆଲ ସୋସିଆଲ ହ୍ୟାଣ୍ଡେଲରେ ପୋଷ୍ଟ କରାଯାଇଛି । ଆଜି ରାହୁଲ ଗାନ୍ଧୀ ବୌଦ୍ଧ ଧର୍ମଗୁରୁ ଦଲାଇ ଲାମାଙ୍କୁ ଭେଟିବା କାର୍ଯ୍ୟକ୍ରମ ରହିଛି । ଗତ ଗୁରୁବାରଠାରୁ ରାହୁଲ ଲଦାଖ ଗସ୍ତରେ ଯାଇଥିବା ବେଳେ ଆସନ୍ତା ୨୫ ତାରିଖରେ ଫେରିବା କାର୍ଯ୍ୟକ୍ରମ ରହିଛି ।
