ଝାରଖଣ୍ଡ: ପୁଣି ସୀମାନ୍ତ ଝାଡଖଣ୍ଡରେ ନକ୍ସଲଙ୍କ ଦୌରାତ୍ମ୍ୟ । ଓଡ଼ିଶା ସୀମାନ୍ତ ଝାରଖଣ୍ଡରେ ମାଓବାଦୀଙ୍କ ଲଙ୍କାକାଣ୍ଡ। ଚାଇବାସା ଅଞ୍ଚଳରେ ରେଳ ଧାରଣା ଉ୍ଡ଼ାଇଲେ ନକ୍ସଲ। ମନୋହରପୁର ନିକଟ ବିରୁୱା ନିକଟରେ ଏହି ବିସ୍ଫୋରଣ ଘଟିଛି। ଟ୍ରାକରେ ବୋମା ବିସ୍ଫୋରଣ କରି ରେଳ ଧାରଣା ଉଡାଇ ଦେଇଛନ୍ତି ମାଓବାଦୀ।
ସୂଚନା ଅନୁଯାୟୀ, ବିସ୍ଫୋରଣ ଘଟିଥି୍ବା ଟ୍ରାକର ଅପରପକ୍ଷ ଟ୍ରାକରେ ଆସୁଥିବା ଏକ ମାଲଗାଡ଼ିର ସଦସ୍ୟ ଦେଖି ପାଖ ଷ୍ଟେସନକୁ ଖବର ଦେଇଥିଲେ। ଏହାପରେ ସେହି ଲାଇନରେ ଆସୁଥିବା ସମସ୍ତ ଟ୍ରେନକୁ ରୋକିଥିଲେ ଷ୍ଟେସନମାଷ୍ଟର। ରେଲୱେ ଟ୍ରାକରେ ବିସ୍ଫୋରଣ ଯୋଗୁଁ ପାଖାପାଖି ୨୨ଟି ଟ୍ରେନର ଚଳାଚଳ ବାଧାପ୍ରାପ୍ତ ହୋଇଛି । ମୁମ୍ବାଇ-ହାୱାଡା ଲାଇନରେ ଟ୍ରେନ ଚଳାଚଳ ବାଧାପ୍ରାପ୍ତ ହୋଇଛି । ଗତକାଲି ରାତି ପ୍ରାୟ ୧୦ଟା ସମୟରେ ଏହି ବିସ୍ଫୋରଣ ଘଟିଥିଲା । ଗୋଇଲକେରା ଏବଂ ପୋସୈତା ଷ୍ଟେସନ ମଧ୍ୟରେ ଏହି ବିସ୍ଫୋରଣ ଘଟିଥିଲା। ବିସ୍ଫୋରଣ ପରେ ଶାଲିମାର କୁର୍ଲା ଏକ୍ସପ୍ରେସକୁ ଗୋଇଲକେରା ଷ୍ଟେ୍ସନରେ ଅଟକାଇ ଦିଆଯାଇଥିଲା ।
