ନୂଆଦିଲ୍ଲୀ : ଦିଲ୍ଲୀ ମନ୍ତ୍ରୀ ପଦ ଛାଡିଲେ ରାଜକୁମାର ଆନନ୍ଦ। କେଜରିୱାଲ ସରକାରଙ୍କ ମନ୍ତ୍ରୀ ପଦ ସହ ଆମ ଆଦମୀ ପାର୍ଟି ଛାଡିଛନ୍ତି ରାଜକୁମାର। ଆପର ପ୍ରାଥମିକ ସଦସ୍ୟ ପଦରୁ ସେ ଇସ୍ତଫା ଦେଇଛନ୍ତି। ଦିଲ୍ଲୀ ସରକାରରେ ସମାଜ ମଙ୍ଗଳ ମନ୍ତ୍ରୀ ଥିଲେ ରାଜକୁମାର। ଦଳରେ ଦୁର୍ନୀତି ପ୍ରସଙ୍ଗ ନେଇ ରାଜକୁମାର ଆନନ୍ଦ ଦଳ ଛାଡ଼ିଥିବା ସେ କହିଛନ୍ତି। ଦଳରେ ଦଳିତ ବିଧାୟକ ଓ ମନ୍ତ୍ରୀଙ୍କର କୌଣସି ସମ୍ମାନ ନାହିଁ ବୋଲି ଅଭିଯୋଗ କରିଛନ୍ତି ରାଜକୁମାର ଆନନ୍ଦ। ଦଳିତ ନେତାଙ୍କୁ ପ୍ରମୁଖ ପଦରେ ସ୍ଥାନ ଦିଆଯାଉନାହିଁ। ଦଳରେ ସେମାନଙ୍କର କୌଣସି ସମ୍ମାନ ନାହିଁ ବୋଲି କହିଛନ୍ତି। ଆମ ଆଦମୀ ପାର୍ଟିର ଜନ୍ମ ଭ୍ରଷ୍ଟାଚାର ବିରୋଧରେ ହୋଇଥିଲା। ତେବେ ଏବେ ଆମ ଆଦମୀ ପାର୍ଟି ନିଜେ ଦୁର୍ନୀତିର କାଦୁଅରେ ଫସି ଯାଇଛି ବୋଲି କହିଛନ୍ତି ରାଜକୁମାର। ଏଭଳି ସ୍ଥିତିରେ ମନ୍ତ୍ରୀପଦରେ ରହି ମୋ ପାଇଁ କାମ କରିବା ଅସମ୍ଭବ ବୋଲି ସେ କହିଛନ୍ତି।
