ବିରଳ ପ୍ରଜାତିର ହଳଦିଆ ରଙ୍ଗର କଇଁଛ ଉଦ୍ଧାର

ଆରଡି: ବିରଳ ପ୍ରଜାତିର କଇଁଛ ଉଦ୍ଧାର । ଚାନ୍ଦବାଲି ବ୍ଲକ ଓରାସାହି ପଞ୍ଚାୟତ କସ୍ତୁରୀକଣ ଗାଁରୁ ବିରଳ ପ୍ରଜାତିର ହଳଦିଆ ରଙ୍ଗର କଇଁଛ ଉଦ୍ଧାର କରାଯାଇଛି । କସ୍ତୁରୀକଣ ସ୍କୁଲ ନିକଟରେ ଜଣେ ଶିକ୍ଷକ ସୁକୁମାର ସିଂ ଏହି ବିରଳ ପ୍ରଜାତିର କଇଁଛଟିକୁ ତାଙ୍କ ସରକାରୀ ଗୃହ ନିକଟରୁ ପାଇଥିଲେ ।

କଇଁଛଟିର ଓଜନ ୨ କେଜି ରହିଛି । ଏହା ଖୁବ୍ କମ ପରିମାଣରେ ଦେଖିବାକୁ ମିଳିଥାଏ । ଜଳବାୟୁ ପରିବର୍ତ୍ତନ ପାଇଁ ଏଭଳି ବିରଳ କଇଁଛ ସୃଷ୍ଟି ହୋଇଥାନ୍ତି ବୋଲି ବନ ବିଭାଗ ଅଧିକାରୀ ପ୍ରକାଶ କରିଛନ୍ତି । ଶିକ୍ଷକ ଜଣକ କଇଁଛଟିକୁ ବନ ବିଭାଗକୁ ହନ୍ତାନ୍ତର କରିଛନ୍ତି । ବନ ବିଭାଗ କଇଁଛଟିକୁ ନେଇ ନିକଟସ୍ଥ ବୈତରଣୀ ନଦୀରେ ଛାଡ଼ିଥିବା ସୂଚନା ମିଳିଛି ।