ରିଲାଏନ୍ସ ଜିଓର ସବୁଠାରୁ ଅଧିକ ଡାଟା ଦେଉଥିବା ପ୍ୟାକ୍, ୭୪୦ ଜିବି ଡାଟା ସହ ଅନ୍ଲିମିଟେଡ୍ କଲ୍
ନୂଆଦିଲ୍ଲୀ: ରିଲାଏନ୍ସ ଜିଓ ଲକଡାଉନ୍ ସମୟରେ ଲମ୍ବା ବୈଧତା ଯୋଜନା ଆରମ୍ଭ କରିଛି । ଏବେ ଆପଣଙ୍କୁ ବାରମ୍ବାର ଦୋକାନକୁ ଦୌଡ଼ିବାକୁ ପଡ଼ିବ ନାହିଁ । କାରଣ ଜିଓ ଆପଣଙ୍କ ପାଇଁ ଆଣିଛି ଏପରି ଏକ ଅଫର ଯାହା ଆପଣଙ୍କୁ ଲମ୍ବା ସମୟ ପର୍ଯ୍ୟନ୍ତ ଦେଇପାରିବ ଡାଟା । ଗ୍ରାହକମାନଙ୍କ ପାଇଁ ମୁକେଶ ଅମ୍ବାନୀଙ୍କ ନେତୃତ୍ୱାଧୀନ କମ୍ପାନୀ ଜିଓ ଏହି ଯୋଜନାରେ ଅଧିକ ତଥ୍ୟ ପ୍ରଦାନ କରିଛି । ରିଲାଏନ୍ସ ଜିଓର ୨୫୯୯ ଟଙ୍କାର ଏକ ଯୋଜନା ରହିଛି । ଏହି ଯୋଜନାର ବିଶେଷତ୍ୱ ହେଉଛି କମ୍ପାନୀର ସର୍ବୋଚ୍ଚ ଡାଟା ଅଫର୍ ପ୍ୟାକ୍ । ଜିଓର ଏହି ପ୍ୟାକ୍ରେ ୭୪୦ ଜିବି ଡାଟା ପ୍ରଦାନ କରାଯାଉଛି ।
ରିଲାଏନ୍ସ ଜିଓର ୨୫୯୯ ଟଙ୍କା ପ୍ୟାକ୍ ର ବୈଧତା ହେଉଛି ୩୬୫ ଦିନ । ଏହି ରିଚାର୍ଜ ପ୍ୟାକ୍ରେ ପ୍ରତିଦିନ ୨ ଜିବି ଡାଟା ଅଫର ମିଳିଥାଏ । କେଉଁ ପ୍ୟାକରେ ମିଳୁନଥିବା ଅଫର ଏଥିରେ ମିଳୁଛି । ଉପଭୋକ୍ତାଙ୍କୁ ୨ ଜିବି ଡାଟା ପ୍ୟାକ୍ ବ୍ୟତୀତ ଏହି ପ୍ୟାକ୍ରେ ୧୦ ଜିବି ଡାଟା ମଧ୍ୟ ଉପଲବ୍ଧ ହେଉଛି । ଯାହାଫଳରେ ଗ୍ରାହକମାନେ ମୋଟ ୭୪୦ ଜିବିର ହାଇ ସ୍ପିଡ୍ ଡାଟାର ଲାଭ ଉଠାଇ ପାରିବେ ।
ଜିଓର ଏହି ଯୋଜନାରେ, ଜିଓ ନେଟୱାର୍କରେ କଥା ହେବା ପାଇଁ ଅନଲିମିଟେଡ୍ କଲ ରହିଛି । ସେହିପରି ଅଣ ଜିଓ ନେଟୱାର୍କକୁ କଲ କରିବା ପାଇଁ ୧୨ ହଜାର ମିନିଟ୍ ଉପଲବ୍ଧ ହେଉଛି । ଏହି ପ୍ୟାକ୍ରେ ସମୁଦାୟ ୧୦୦ ଟି ଏସ୍ଏମ୍ଏସ୍ ଦିଆଯାଇଛି । ଏହା ବ୍ୟତୀତ ଜିଓ ଆପ୍ର ସବସ୍କ୍ରିପସନ୍ ମଧ୍ୟ ମାଗଣାରେ ଦିଆଯାଉଛି ।
