ନନ୍ଦିଘୋଷ ବ୍ୟୁରୋ: ସେୟାର ବଜାରରେ ଲଗାତାର ଭାବରେ ଆତଙ୍କ ଜାରି ରହିଛି । ସପ୍ତାହରେ କ୍ରମାଗତ ତୃତୀୟ ଦିନ ବୁଧବାର କାରବାରରେ ସେନସେକ୍ସ ଓ ନିଫ୍ଟୀରେ ବହୁ କ୍ଷତି ପରିଲକ୍ଷିତ ହୋଇଛି । ବଡ଼ରୁ ଛୋଟ ସବୁ କମ୍ପାନୀଙ୍କ ସେୟାର ମୂଲ୍ୟରେ ହ୍ରାସ ଘଟିଛି । ବମ୍ବେ ଷ୍ଟକ୍ ଏକ୍ସଚେଞ୍ଜର ସେନସେକ୍ସ ୩୦ ସେୟାରରେ ପ୍ରାୟ ୮୦୦ ପଏଣ୍ଟ ହ୍ରାସ ଘଟିଥିବା ବେଳେ ନ୍ୟାସନାଲ ୩ ଷ୍ଟକ୍ ଏକ୍ସଚେଞ୍ଜର ନିଫ୍ଟି ପ୍ରାୟ ୨୦୦ ପଏଣ୍ଟ ହ୍ରାସ ପାଇଛି। ଅନ୍ୟପଟେ ମୁକେଶ ଅମ୍ବାନୀଙ୍କ କମ୍ପାନୀ ରିଲାଏନ୍ସର ସେୟାରରେ ୩ ପ୍ରତିଶତରୁ ଅଧିକ ହ୍ରାସ ପାଇଥିବା ଦେଖିବାକୁ ମିଳିଛି । ଜୋମାଟୋ ସେୟାରରେ ମଧ୍ୟ ବଡଧରଣ ହ୍ରାସ ଘଟିଛି ।
ମଙ୍ଗଳବାର ମଧ୍ୟ କାରବାରରେ ସେନସେକ୍ସ ଓ ନିଫ୍ଟୀରେ ବହୁ କ୍ଷତି ଘଟିଥିଲା। BSE ସେନସେକ୍ସ ୭୬,୧୮୮.୨୪ ରେ ଖୋଲିଥିଲା। ଏହା ପରେ, କାରବାରର କିଛି ସମୟ ମଧ୍ୟରେ ଏହା ଭୁଶୁଡ଼ି ପଡ଼ିଲା। କାରବାରର ଅଧ ଘଣ୍ଟା ମଧ୍ୟରେ BSE ସେନସେକ୍ସ ୮୨୩ ପଏଣ୍ଟ ହ୍ରାସ ପାଇ ୭୫ ହଜାର ୪୬୯ ରେ କାରବାର କରିଥିଲା।
ସେହିପରି ନିଫ୍ଟିରେ ମଧ୍ୟ ରେଡ୍ ଜୋନରେ କାରବାର ଆରମ୍ଭ କରିବା ପରେ ଏକ ବଡ଼ ହ୍ରାସ ଦେଖିବାକୁ ମିଳିଥିଲା। ଏହା ୨୩,୦୫୦ ରେ ଖୋଲିବାର କିଛି ସମୟରେ ହ୍ରାସ ଘଟି ୨୨ ହଜାର ୮୫୯ରେ ଟ୍ରେଣ୍ଡ କରିଥିଲା।
