ପ୍ରଧାନମନ୍ତ୍ରୀ ହେବା ପରେ ଆକ୍ସନରେ ସୁନକ, ଅନେକ ମନ୍ତ୍ରୀଙ୍କୁ କଲେ ବହିସ୍କାର

ଲଣ୍ଡନ: ବ୍ରିଟେନ ପ୍ରଧାନମନ୍ତ୍ରୀ ପଦ ସମ୍ଭାଳିବାର କିଛି ଘଣ୍ଟା ପରେ ଋଷି ସୁନକ ଆକ୍ସନ ମୋଡରେ ଦେଖାଯାଇଛନ୍ତି । ଅନେକ ମନ୍ତ୍ରୀଙ୍କୁ ସେ ବହିସ୍କାର କରିଛନ୍ତି । ଅବଶ୍ୟ ଜେରେମି ହଣ୍ଟ ବ୍ରିଟେନର ଅର୍ଥମନ୍ତ୍ରୀ ରହିବେ । ପ୍ରକାଶଯୋଗ୍ୟ, ମନ୍ତ୍ରୀମାନଙ୍କୁ ବହିସ୍କାର କରିବା ପୂର୍ବରୁ ସୁନକ ଏହି କଥାର ସଙ୍କେତ ଦେଇଥିଲେ । ସେ ସ୍ପଷ୍ଟ ଅନ୍ଦାଜରେ କହିଥିଲେ ଯେ ପୂରୁଣା ଲୋକମାନଙ୍କ ଦ୍ୱାରା ହୋଇଥିବା ଭୁଲକୁ ସୁଧାରିବା ପାଇଁ ତାଙ୍କୁ ଚୟନ କରାଯାଇଛି ।

ସୁନକ କିଙ୍ଗ ଚାର୍ଲସଙ୍କ ସହ ବୈଠକର ଏକ ଘଣ୍ଟା ଭିତରେ ନିଜ ପ୍ରତିଶ୍ରୁତି ପୂରଣ କରିବା ଆରମ୍ଭ କରିଦେଇଛନ୍ତି ।  ସେ କହିଥିଲେ ଯେ ବିନା କୌଣସି ବିଳମ୍ବରେ କାର୍ଯ୍ୟ ତୁରନ୍ତ ଆରମ୍ଭ ହେବ । ନିଜର ନୂଆ ମନ୍ତ୍ରୀମଣ୍ଡଳ ଘୋଷଣା ପୂର୍ବରୁ ପୂର୍ବତନ ପ୍ରଧାନମନ୍ତ୍ରୀ ଲିଜ ଟ୍ରସ୍ ଙ୍କ ମନ୍ତ୍ରୀଙ୍କ ଟିମର ଅନେକ ସଦସ୍ୟଙ୍କୁ ଇସ୍ତଫା ଦେବାକୁ କହିଥିଲେ । ଏପର୍ଯ୍ୟନ୍ତ ସୁଦ୍ଧା ୩ ମନ୍ତ୍ରୀଙ୍କୁ ପଦ ଛାଡ଼ିବା ପାଇଁ କୁହାଯାଇ ସାରିଛି ।

ସୂତ୍ରରୁ ମିଳିଥିବା ଖବର ଅନୁଯାୟୀ, ଏମାନଙ୍କ ମଧ୍ୟରେ ବ୍ୟାପାର ସଚିବ ଜ୍ୟାକବ ରିସ-ମୋଗ, ଆଇନ ସଚିବ ବ୍ରାଣ୍ଡନ ଲୁଇସ ଏବଂ ବିକାସ ମନ୍ତ୍ରୀ ଭିକ୍କି ଫୋର୍ଡ ସାମିଲ ଅଛନ୍ତି । ସଙ୍କେତ ମିଳିଛି ଯେ ଜେରେମି ହଣ୍ଟ ଅର୍ଥମନ୍ତ୍ରୀ ଭାବରେ କାର୍ଯ୍ୟ ଜାରି ରଖିବେ । ବ୍ରିଟିସ ମିଡିଆ ରିପୋର୍ଟ ମୁତାବିକ ଋଷି ସୁନକ ନିଜ ନୂଆ ଟପ ଟିମ ବନାଇବା ପୂର୍ବରୁ କ୍ୟାବିନେଟର ପୂରୁଣା ଲୋକଙ୍କୁ ବାହାର କରୁଛନ୍ତି । ଏହି କ୍ରମରେ ଜ୍ୟାକବ ରିସ-ମୋଗ ସରକାରରୁ ଇସ୍ତଫା ଦେଇ ଦେଇଛନ୍ତି ।