ନନ୍ଦିଘୋଷ ବ୍ୟୁରୋ : ସେପ୍ଟେମ୍ବର ପହିଲାରୁ ପୁଣି ମହଙ୍ଗା ମାଡ଼ । ବଢିଲା CNG, PNG ଓ କମର୍ସିଆଲ ଗ୍ୟାସ ଦର । ମହାନଗର ଗ୍ୟାସ ଲିମିଟେଡ, ସଙ୍କୁଚିତ ପ୍ରାକୃତିକ ଗ୍ୟାସ CNG ମୂଲ୍ୟ କିଲୋଗ୍ରାମ ପ୍ରତି ୨ ଟଙ୍କା ଏବଂ ଘରୋଇ ପାଇପ୍ ପ୍ରାକୃତିକ ଗ୍ୟାସ PNGର ମୂଲ୍ୟ ମାନକ ଘନ ମିଟର ପ୍ରତି ୧ ଟଙ୍କା ବୃଦ୍ଧି କରିଛି । ମୁମ୍ବାଇ ଏବଂ ଏହାର ଆଖପାଖ ଅଞ୍ଚଳରେ ସଂଶୋଧିତ ମଲୁ ମୂଲ୍ୟ କିଲୋଗ୍ରାମ ପ୍ରତି ୮୮ ଟଙ୍କା ହୋଇଛି । ନୂତନ ଦର ଆଜି ମଧ୍ୟରାତ୍ରରୁ କାର୍ଯ୍ୟକାରୀ ହେବ ।
ସେପଟେ ପୁଣି କମର୍ସିଆଲ ଗ୍ୟାଦ ଦର ୯ଟଙ୍କା ୫୦ ପଇସା ବୃଦ୍ଧି ପାଇଛି । ଦିଲ୍ଲୀରେ ନୂଆ ଦର ୨୭୪୭ ଟଙ୍କା ୫୦ଟଙ୍କାକୁ ବୃଦ୍ଧି ପାଇଥିବାବେଳେ କୋଲକାତାରେ ୨୮୮୪ ଟଙ୍କା, ମୁମ୍ବାଇରେ ଗ୍ୟାସ ଦର ୨୭୦୧ ଟଙ୍କା, ଚେନ୍ନାଇରେ ଗ୍ୟାସ ଦର ୨୯୬୧ ଟଙ୍କା ୫୦ ପଇସାକୁ ବୃଦ୍ଧି ପାଇଛି । ମଧ୍ୟପ୍ରାଚ୍ୟ ସଙ୍କଟ ଯୋଗୁଁ ମୂଲ୍ୟ ବୃଦ୍ଧି ହୋଇଥିବା କମ୍ପାନୀ କହିଥିବାବେଳେ ଏହାକୁ ନେଇ ଅସନ୍ତୋଷ ବୃଦ୍ଧି ପାଇଛି । ଦରବୃଦ୍ଧି ଫଳରେ ସିଏନଜି ଗାଡ଼ି ଚଳାଚଳ ପ୍ରଭାବିତ ହେବା ସହ ଯାତାୟାତ ଭଡ଼ ବଢ଼ିବା ଆଶଂକା ସୃଷ୍ଟି ହୋଇଛି । ସେହିପରି କମର୍ସିଆଲ ଗ୍ୟାସ ଦର ପୁଣି ବଢିଥିବାରୁ ଏହାଦ୍ବାରା ହୋଟେ ଶିଳ୍ପ ଅଧିକ ପ୍ରଭାବିତ ହେବ ବୋଲି କହିଛନ୍ତି ହୋଟେଲ ମାଲିକ ।
