ଭଦ୍ରକ : ଆଜି ଚନ୍ଦ୍ରଗ୍ରହଣ । ଆଖଣ୍ଡଳମଣିଙ୍କ ମନ୍ଦିରରେ ୧୩ ଘଣ୍ଟା ଧରି ବନ୍ଦ ରହିବ ସର୍ବସାଧାରଣ ଦର୍ଶନ । ସନ୍ଧ୍ୟା ୬ଟା ୪୭ରେ ଗ୍ରହଣ ସର୍ଵମୋକ୍ଷ ପରେ ଦେବନୀତି ଓ ଦର୍ଶନ ଆରମ୍ଭ । କେତୁଗ୍ରସ୍ତ ଚନ୍ଦ୍ରଗ୍ରହଣ ପାଇଁ ସୂର୍ଯ୍ୟଦୋୟ ଅର୍ଥାତ୍ ୬ଟା ୧୫ରୁ ପାକତ୍ୟାଗ ଆରମ୍ଭ ହୋଇଛି । ପାକତ୍ୟାଗ ଠାରୁ ଗ୍ରହଣ ସର୍ଵମୋକ୍ଷ ସନ୍ଧ୍ୟା ୬ଟା ୪୭ ଯାଏଁ ଦେବନୀତି ନିଷେଧ ରହୁଥିବାରୁ ଵାଵା ଆଖଣ୍ଡଳମଣିଙ୍କ ମନ୍ଦିରରେ ସହଳ ନୀତିକାନ୍ତି କରାଯାଇଛି ରାତ୍ର ୩ଟାରେ ଦ୍ବାର ଫିଟା ଯିବା ପରେ ମଙ୍ଗଳ ଆଳତୀ , ମହାସ୍ନାନ, ଘର୍ଷଣଲାଗି ସହ ବାବାଙ୍କୁ ଦିଗମ୍ବର ବେଶରେ ପହିଲି ବାଲ୍ୟ ଭୋଗ ଲାଗି କରାଯାଇଥିଲା । ପରେ ସୂର୍ଯ୍ୟଦୋୟ ପୂର୍ବରୁ ସମସ୍ତ ସକାଳ ନୀତିକାନ୍ତି କରାଯାଇ ପୀଠର ପରମ୍ପରା ଅନୁଯାୟୀ ପାକତ୍ୟାଗ ଠାରୁ ଗ୍ରହଣ ସର୍ଵମୋକ୍ଷ ପର୍ଯ୍ୟନ୍ତ ଦୀର୍ଘ ୧୩ଘଣ୍ଟା ଧରି ମନ୍ଦିର ପହୁଡ଼ ହେଉଥିବାରୁ ସର୍ବସାଧାରଣଙ୍କ ଦର୍ଶନ ସହ ସମସ୍ତ ନୀତି କାନ୍ତି ବନ୍ଦ ରହିଛି ।
ଗ୍ରହଣ ସର୍ଵମୋକ୍ଷ ପରେ ସନ୍ଧ୍ୟା ୭ଟାରେ ମନ୍ଦିର ମାର୍ଜନା ସହ ବାବାଙ୍କର ମହାସ୍ନାନ କରାଯାଇ ଅନ୍ୟାନ୍ୟ ନୀତିକାନ୍ତି ସହ ଦୋଳ ନୀତି, ନୂଆ ପଞ୍ଜିକା ପଠନ ଓ ସର୍ବସାଧାରଣ ଦର୍ଶନ କରାଯିବ । ଗ୍ରହଣ ସର୍ଵମୋକ୍ଷ ପରେ ଦେବନୀତି ଓ ଦର୍ଶନ ଆରମ୍ଭ । ରାତ୍ର ୮ଟାରେ ସନ୍ଧ୍ୟା ପୂଜା ଦୋଳ ନୀତି । ରାତ୍ର ୯ଟାରେ ଦୋଳ ବିମାନ ଵିଜେ ପରିକ୍ରମା । ରାତ୍ର ୧୧ଟାରେ ନୂଆ ବିରଜା ପଞ୍ଜିକା ପଠନ କରାଯିବ ।
