ନୂଆଦିଲ୍ଲୀ: ରାଷ୍ଟ୍ରିୟ ଜନତା ଦଳ (ଆରଜେଡି) ମୁଖ୍ୟ ଲାଲୁ ପ୍ରସାଦ ଯାଦବଙ୍କ ସାନପୁଅ ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବ ବିବାହ ବନ୍ଧନରେ ବାନ୍ଧି ହୋଇଛନ୍ତି। ତେଜସ୍ୱୀ ଯାଦବ ଜଣେ ଏୟାର ହୋଷ୍ଟେସ୍ ଆଲେକ୍ସିସଙ୍କୁ ବିବାହ କରିଛନ୍ତି । ତେଜସ୍ୱୀ ଏବଂ ଆଲେକ୍ସିସ୍ ହେଉଛନ୍ତି ପୁରୁଣା ବନ୍ଧୁ। ଏମାନେ ପରସ୍ପରକୁ ୬ ବର୍ଷ ହେଲା ଜାଣିଛନ୍ତି।
ଗତକାଲି ଉଭୟଙ୍କର ନିର୍ବନ୍ଧ ହୋଇଥିଲା ଆଉ ଆଜି ବିବାହ । ସୂଚନା ମୁତାବକ ତେଜସ୍ୱୀ ନିର୍ବନ୍ଧ ଓ ବିବାହ ମଧ୍ଯରେ ଦୁଇମାସ ବିରତି ଚାହୁଁଥିଲେ, କିନ୍ତୁ କୌଣସି କରାଣରୁ ସେ ନିର୍ବନ୍ଧର ପରଦିନ ହିଁ ବିବାହ ବନ୍ଧନରେ ଆବଦ୍ଧ ହୋଇଛନ୍ତି।
ତେଜସ୍ୱୀଙ୍କ ନିର୍ବନ୍ଧ ଏବଂ ବିବାହର ଏହି କାର୍ଯ୍ୟକ୍ରମ ଦିଲ୍ଲୀର ସୈନିକ ଫାର୍ମରେ ହୋଇଛି । ଏହି ସୈନିକ ଫାର୍ମତାଙ୍କ ଭଉଣୀ ମିସା ଭାରତୀଙ୍କର । ଫାର୍ମରଭିତରେ ଓ ବାହାରେ କଡ଼ା ସୁରକ୍ଷାର ବ୍ୟବସ୍ଥା କରାଯାଇଛି । ବିବାହକୁ ଆସୁଥିବା ପ୍ରତ୍ୟେକ ଗାଡ଼ିର କଡା ଯାଞ୍ଚ କରାଯାଉଛି ।
ତେଜସ୍ୱିଙ୍କ ଧର୍ମପତ୍ନୀ ଆଲେକ୍ସିସ୍ ପୂର୍ବରୁ ଜଣେ ଏୟାରହୋଷ୍ଟେସ୍ ଥିଲେ । ସେ ଦିଲ୍ଲୀର ବସନ୍ତ ବିହାରରେ ରୁହନ୍ତି ଏବଂ ତାଙ୍କ ପିତା ଚଣ୍ଡିଗଡ଼ର ଏକ ବିଦ୍ୟାଳୟର ଅବସର ପ୍ରାପ୍ତ ପ୍ରଧାନ ଶିକ୍ଷକ ଥିଲେ। କୁହାଯାଉଛି ଯେ ଆଲେକ୍ସସ୍ ଏବଂ ତେଜାସ୍ୱୀଙ୍କର ବନ୍ଧୁତା ପ୍ରାୟ ୬ ବର୍ଷ ପୂରୁଣା। କୁହାଯାଉଛି ଯେ ଲାଲୁ ତେଜଶ୍ୱୀଙ୍କ ଏହି ନିଷ୍ପତ୍ତିରେ ଆଦୌ ଖୁସି ନଥିଲେ, ସେ ପୁଅ ଉପରେ ବହୁତ ରଗିଥିଲେ। ଆଲେକ୍ସସ୍ ଏକ ଖ୍ରୀଷ୍ଟିଆନ ପରିବାରର ହୋଇଥିବାରୁ ଲାଲୁ ଏହି ସମ୍ପର୍କକୁ ବିରୋଧ କରୁଥିଲେ। ଏପରିକି ପରିବାରର କେହି ମଧ୍ୟ ଏହି ସମ୍ପର୍କରେ ଖୁସି ନଥିଲେ । ଶେଷରେ ତେଜସ୍ୱୀ ଓ ଆଲେକ୍ସା ସମସ୍ତଙ୍କୁ ବୁଝେଇବା ପରେ ପରିବାର ରାଜି ହୋଇଥିଲେ।
