ପୁଣି ରୁଷ ଉପରେ ୟୁକ୍ରେନର ବଡ଼ ଆକ୍ରମଣ

ନନ୍ଦିଘୋଷ ବ୍ୟୁରୋ: ପୁଣି ରୁଷ ଉପରେ ୟୁକ୍ରେନର ବଡ଼ ହମଲା। ରୁଷ ସହ କ୍ରିମିଆକୁ ସଂଯୋଗ କରୁଥିବା ଏକ ବ୍ରିଜ ଉପରେ ହମଲା କରିଛି ୟୁକ୍ରେନ। ପାଣି ଭିତରେ ଥିବା ବିସ୍ଫୋରକ ଜରିଆରେ ବ୍ରିଜରେ କରିଛି ବିସ୍ଫୋରଣ। ବିସ୍ଫୋରଣ ଲାଗି ନିଜକୁ ଦାୟୀ କରିଛି ସିକ୍ୟୁରିଟି ସର୍ଭିସ ଅଫ ୟୁକ୍ରେନ-SBU। ୨୦୨୨ ପରଠାରୁ ରୁଷର ପ୍ରମୁଖ ଯୋଗାଯୋଗ ବ୍ଯବସ୍ଥା ଉପରେ ଏହା ହେଉଛି ତୃତୀୟ ହମଲା। ରୁଷ ସହ କ୍ରିମିଆକୁ ସଂଯୋଗ କରୁଥିବା କର୍ଚ ବ୍ରିଜ ଉପରେ ଏହି ହମଲା ହୋଇଛି। ବିସ୍ଫୋରଣରେ ୧୧୦୦ କିଲୋଗ୍ରାମ ବିସ୍ଫୋରକ ବ୍ୟବହୃତ ହୋଇଛି। ବିସ୍ଫୋରଣରେ ବ୍ରିଜକୁ ସପୋର୍ଟ ଦେଉଥିବା କେତେକ ପିଲାର ନଷ୍ଟ ହୋଇଥିବା ସୂଚନା ମିଳିଛି। ବିସ୍ଫୋରଣ ପରେ ବ୍ରିଜ ଉପର ଦେଇ ଟ୍ରାଫିକ ଚଳାଚଳ ବାତିଲ କରାଯାଇଛି।