ଭାରତ ଗସ୍ତରେ ଆସିବେ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ

ଭାରତ ଗସ୍ତରେ ଆସିବେ ରାଷ୍ଟ୍ରପତି ପୁଟିନ। ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଚଳିତ ବର୍ଷର ଶେଷ ଆଡ଼କୁ ଭାରତ ଗସ୍ତରେ ଆସିବେ। ତେବେ ଏ ନେଇ ତାରିଖ ଚୂଡ଼ାନ୍ତ ହେଉଛି।ଏବେ ମସ୍ତୋ ଗସ୍ତରେ ଅଛନ୍ତି ଜାତୀୟ ସୁରକ୍ଷା ପରାମର୍ଶଜାତା ଅଜିତ ଡୋଭାଲ। ରୁଷ ସୁରକ୍ଷା ପରିଷଦ ସଚିବ ସର୍ଗେଇ ସୋଇଗୁଙ୍କ ସହ ଆଲୋଚନା କରିଛନ୍ତି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ। ପୁଟିନଙ୍କ ଆଗମୀ ଗସ୍ତ ଲାଗି ନୂଆଦିଲ୍ଲୀ ଉତ୍ସାହିତ ବୋଲି କହିଛନ୍ତି ଅଜିତ ଡୋଭାଲ। ୨୦୨୨ରେ ରୁଷ-ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ପୁଟିନଙ୍କ ଏହା ପ୍ରଥମ ଭାରତ ଗସ୍ତ। ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ମସ୍କୋ ଗସ୍ତ ଅବସରରେ ଏହା ନିଶ୍ଚିତ କରିଛନ୍ତି।ଡୋଭାଲ କହିଛନ୍ତି ଯେ, ମସ୍କୋ ସହ ଆଗାମୀ ସମ୍ପର୍କ ନେଇ ନୂଆଦିଲ୍ଲୀ ଉତ୍ସାହିତ ଏବଂ ଆନନ୍ଦିତ। ଭାରତ-ରୁଷିଆ ସମ୍ମିଳନୀକୁ ଦ୍ୱିପାକ୍ଷିକ ସମ୍ପର୍କର ୱାଟରସେଡ୍ ମୁହୂର୍ତ୍ତ ଭାବରେ ବର୍ଣ୍ଣନା କରିଛନ୍ତି ଡୋଭାଲ। ଗତବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ପୁଟିନ ଦୁଇଥର ସାକ୍ଷାତ କରିଥିଲେ। ପ୍ରଧାନମନ୍ତ୍ରୀ ମୋଦୀଙ୍କ ୨୨ତମ ଭାରତ-ରୁଷ ଶିଖର ସମ୍ମିଳନୀ ପାଇଁ ଗତ ଜୁଲାଇରେ ମସ୍କୋ ଗସ୍ତ ସମୟରେ ଭେଟିଥଲେ। ଅକ୍ଟୋବରରେ ପ୍ରଧାନମନ୍ତ୍ରୀ ମୋଦି ବ୍ରିକ୍ସ ସମ୍ମିଳନୀରେ ଯୋଗଦେବା ସମୟରେ କାଜାନରେ ଦୁଇ ନେତା ପୁଣି ଥରେ ସାକ୍ଷାତ କରିଥିଲେ।ଭାରତ ଦ୍ୱାରା ରୁଷର ତୈଳ କ୍ରୟ ଜାରି ରଖିବା ନେଇ ନୂଆଦିଲ୍ଲୀ ଏବଂ ୱାଶିଂଟନ ମଧ୍ୟରେ ବୃଦ୍ଧି ପାଉଥିବା ବାଣିଜ୍ୟ ଉତ୍ତେଜନା ମଧ୍ୟରେ ପୁଟିନଙ୍କ ଗସ୍ତ ଏକ ସମ୍ବେଦନଶୀଳ ସମୟରେ ଆସିଛି।