ପ୍ଲାଷ୍ଟିକ ବୋତଲରେ ପେଟ୍ରୋଲ ବିକ୍ରି ମନା ; ଆଜିଠାରୁ ନିୟମ କଡ଼ାକଡ଼ି ପାଳନ

ନନ୍ଦିଘୋଷ ବ୍ୟୁରୋ : ପ୍ଲାଷ୍ଟିକ ବୋତଲରେ ପେଟ୍ରୋଲ ବିକ୍ରି ମନା । ଯିଏ ବିକ୍ରି କରିବ ହେବ କଡା କାର୍ଯ୍ୟାନୁଷ୍ଠାନ । ଆଜିଠାରୁ ନିୟମ କଡ଼ାକଡ଼ି ପାଳନ କରିବାକୁ ସମସ୍ତ ଜିଲ୍ଲାପାଳଙ୍କୁ ଶକ୍ତ ନିର୍ଦ୍ଦେଶ ଦେଇଛନ୍ତି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ଆଜିଠାରୁ ପେଟ୍ରୋଲ ପମ୍ପରେ ଚଢାଉ କରିବାକୁ ମଧ୍ୟ କୁହାଯାଇଛି। ଯିଏ ପେଟ୍ରୋଲ ନେବ, ସିଏ କାଚ ବୋତଲରେ କିମ୍ବା ଟିଣ ବୋତଲରେ ନେଇପାରିବ ବୋଲି କୁହାଯାଇଛି। ନିୟମ ଅନୁଯାୟୀ ବିକ୍ରି ହେବ ପେଟ୍ରୋଲ । ଚାଷୀ , ବିଏମସି, ଗ୍ରାସ କଟର ଭଳି ମେସିନ ପାଇଁ ଟିଣ କିମ୍ବା ଲୁହା, କାଚ, ଆଲୁମିନିୟମ ବୋତଲରେ ବିକ୍ରି ହୋଇପାରିବ ପେଟ୍ରୋଲ। ଯେଉଁମାନେ ବାହାରେ ପ୍ଲାଷ୍ଟିକ ବୋତଲରେ ବିକ୍ରି କରୁଛନ୍ତି ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ । ଲୋକ ସେବା ଭବନରେ ପେଟ୍ରୋଲ ପମ୍ପ ମାଲିକ ସଙ୍ଘ, ପେଟ୍ରୋଲିୟମ କମ୍ପାନୀ କର୍ତ୍ତୃପକ୍ଷ ସହ ଯୋଗାଣ ମନ୍ତ୍ରୀଙ୍କ ବୈଠକ ପରେ ନିଷ୍ପତି ନିଆଯାଇଛି । ଯୋଗାଣ ବିଭାଗର ଅଧିକାରୀ ବୈଠକରେ ଉପସ୍ଥିତ ଥିଲେ।