ସଲମାନ୍ ଖାନଙ୍କ ଘର ବାହାରେ କିଏ ଚଳାଇଲା ଗୁଳି ?

ନନ୍ଦିଘୋଷ ବ୍ୟୁରୋ: ବଲିଉଡ ସୁପରଷ୍ଟାର ସଲମାନ ଖାନଙ୍କ ଘର ବାହାରେ କିଏ ଚଳାଇଲା ଗୁଳି ? ରବିବାର ସକାଳ ସମୟରେ ଦୁଇଜଣ ଯୁବକ ବାଇକରେ ଆସି ତିନି ରାଉଣ୍ଡ ଗୁଳି ଚଳାଇଥିଲେ । ତେବେ ଏମାନେ କିଏ? କାହିଁକି ସେମାନେ କାହିଁକି ଏଭଳି ସଲମାନଙ୍କୁ ଟାର୍ଗେଟ କରିଛନ୍ତି । ଏହାକୁଚ ନେଇ ଆରମ୍ଭ ହୋଇଛି ଚର୍ଚ୍ଚା । ତେବେ ଅଲ ଇଣ୍ଡିଆ ସିନେ ଓ୍ବାର୍କର୍ସ ଆସୋସିଏସନ ପକ୍ଷରୁ ଏହାକୁ ନିନ୍ଦା କରାଯାଇଛି । ତେବେ ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀଙ୍କୁ ଏକ ଚିଠି ଲେଖି ସଲମାନଙ୍କ ସୁରକ୍ଷା ପାଇଁ ଅନୁରୋଧ କରିଛନ୍ତି । ତେବେ ଏହି ଗୁଳି ଚାଳନାରେ ପରେ କଳାକାରମାନେ ସଲମାନ ଖାନଙ୍କ ଘରକୁ ଯାଇ ତାଙ୍କ ସହ ସାକ୍ଷାତ କରି ସାନ୍ତ୍ବନା ଦେଇଛନ୍ତି । ତେବେ ଅଲ ଇଣ୍ଡିଆ ସିନେ ଓ୍ବର୍କର୍ସ ପକ୍ଷରୁ ଅଭିଯୋଗ କରାଯାଇଛି କି, ଯଦି ଜଣେ ଜଣାଶୁଣା କଳାକାରଙ୍କ ଘରକୁ ଟାର୍ଗେଟ କରି ଭିଆଇପି ଏରିଆରେ ଗୁଳି ଚାଳନା ହୋଇ ପାରୁଛି ତାହେଲେ ସାଧାରଣ ଲୋକେ କେତେ ସୁରକ୍ଷିତ । ଏହାକୁ ନେଇ ସାଧାରଣରେ ମଧ୍ୟ ପ୍ରଶ୍ନ ଉଠିଛି ।

ସେପଟେ ମୁଖ୍ୟମନ୍ତ୍ରୀ ଏକନାଥ ସିନ୍ଧେ ମଧ୍ୟ ସଲମାନଙ୍କ ଗ୍ୟାଲେକ୍ସି ଆପାର୍ଟମେଣ୍ଟରେ ପହଞ୍ଚି ତାଙ୍କ ସହ ସାକ୍ଷାତ କରିଛନ୍ତି । ତେବେ ଘଟଣାର ତଦନ୍ତ ହେଉଥିବାବେଳେ କ୍ରାଇମବ୍ରାଞ୍ଚ ଏହାର ତଦନ୍ତ ଆରମ୍ଭ କରିଛି । ଲରେନ୍ସ ବିଷ୍ନୋଇଙ୍କ ଭାଇ ଏହି ଘଟଣାରେ ନିଜକୁ ଦାୟି କରିଛି । ଏହାସହ ସେ ସୋସିଆଲ ମିଡିଆରେ ଏକ ପୋଷ୍ଟ କରି ଲେଖିଛନ୍ତି କି, ଏହା କେବଳ ଏକ ଟ୍ରେଲର ଥିଲା । ଆଗକୁ ଆଉ ଗୁଳି ଘର ଉପରେ ଚାଲିବନି । କେବଳ ଏତିକି ନୁହେଁ ବହୁ କଳାକାର ଏବଂ ଫ୍ୟାନ୍ସମାନେ ସଲମାନଙ୍କ ସୁରକ୍ଷା ପାଇଁ ଅପିଲ କରି ସୋସିଆଲ ମିଡିଆରେ ପୋଷ୍ଟ କରିଛନ୍ତି ।