ଧମକପୂର୍ଣ୍ଣ ମେଲ୍ ପରେ ବଢ଼ିଲା ସଲମାନଙ୍କ ସୁରକ୍ଷା

ମୁମ୍ବାଇ: ସଲମାନ ଖାନଙ୍କୁ Y+ ସୁରକ୍ଷା । ଧମକପୂର୍ଣ୍ଣ ମେଲ୍ ପରେ ବଢ଼ିଲା ସଲମାନଙ୍କ ସୁରକ୍ଷା ବ୍ୟବସ୍ଥା । ହତ୍ୟା ଧମକକୁ ନେଇ ବାନ୍ଦ୍ରା ଥାନାରେ ଏତଲା ଦାଏର ହୋଇଥିବା ବେଳେ ପୋଲିସ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ନାଁରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ସଲମାନଙ୍କ ଆପାର୍ଟମେଣ୍ଟ ଗାଲାକ୍ସି ଆଗରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । ଶନିବାର ଅପରାହ୍ନରେ ସଲମାନଙ୍କ ଅଫିସ ମେଲକୁ ଏକ ଧମକପୂର୍ଣ୍ଣ ମେଲ୍ ଆସିଥିଲା । ଲରେନ୍ସର ସାକ୍ଷାତକାର ଦେଖିନ ଯଦି ଦେଖିବାକୁ ମେଲରେ ଉଲ୍ଲେଖ କରାଯାଇଥିଲା । ଲରେନ୍ସର ସହଯୋଗୀ କାନାଡ଼ାର ଗ୍ୟାଙ୍ଗଷ୍ଟର ଗୋଲଡି ବ୍ରାର୍‌ ସଲମାନଙ୍କ ସହ କଥାହେବ ବୋଲି କହିଛି ।

FIRରେ ଆଉ ଏକ ରୋହିତ ଗ୍ୟାଙ୍ଗର ନାଁ ସାମ୍ନାକୁ ଆସିଛି । ସିଦ୍ଧୁ ମୁସେଓ୍ବାଲା ମର୍ଡର କେସରେ ଲରେନ୍ସ ଜେଲରେ ରହିଛି ।