ମହାନଦୀ ସୁଅରେ ଭାସିଗଲା ଜୀବନ, ଉଦ୍ଧାର ବାପା-ପୁଅଙ୍କୁ ମୃତ ଘୋଷଣା

ସମ୍ବଲପୁର: ମହାନଦୀ ସୁଅରେ ଭାସିଗଲା ଜୀବନ । ସମ୍ବଲପୁର ମହାନଦୀରେ ବାପା, ପୁଅ ଓ ଝିଅ ଭାସିଯିବା ଘଟଣା । ଚେତାଶୂନ୍ୟ ଅବସ୍ଥାରେ ଉଦ୍ଧାର ବାପା-ପୁଅଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ସେପଟେ ଏଯାଏ ମିଳିନି ନିଖୋଜ ଝିଅର ପତ୍ତା । ଗତକାଲି ବହୁ ଖୋଜାଖୋଜି ପରେ ମଧ୍ୟ ଝିଅର ସନ୍ଧାନ ମିଳିପାରିନଥିଲା । ରାତି ହେବା ସହିତ ମହାନଦୀର ପ୍ରଖର ସ୍ରୋତ ଯୋଗୁଁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିଲା  ।

ସେପଟେ ବିଳମ୍ବିତ ରାତିରେ ସର୍ଚ୍ଚ ଅପରେସନ୍ ବନ୍ଦ କରିଥିଲେ ଉଦ୍ଧାରକାରୀ ଦଳ । ଆଜି ସକାଳୁ ପୁଣି ଆରମ୍ଭ ହୋଇଛି ସର୍ଚ୍ଚ ଅପରେସନ୍ । ଗତକାଲି ପେନସନପଡ଼ାର ଏମଡି ଅଲତାଫ ନିଜ ପୁଅ ଅଫତାବ ଓ ଝିଅ ରୁକସାନା ସହ ଦଳେଇପଡ଼ା ଘାଟରେ ଗୋଧୋଉଥିବା ବେଳେ ସମସ୍ତେ ଭାସିଯାଇଥିଲେ । ଦୀର୍ଘ ସମୟ ଖୋଜାଖୋଜି ପରେ ଚେତାଶୂନ୍ୟ ଅବସ୍ଥାରେ ବାପା-ପୁଅକୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ । ଅଗ୍ନିଶମ ବାହୀନି ପକ୍ଷରୁ ପାୱାର ବୋଟ ମାଧ୍ୟମରେ ଖୋଜାଖୋଜି ଜାରି ରହିଛି ।