ନୂଆଦିଲ୍ଲୀ: ସାଉଥ କୋରିଆର ଦକ୍ଷିଣ କୋରିଆର ଅଗ୍ରଣୀ ବ୍ୟବସାୟ ଗ୍ରୁପ ଏବଂ ବିଶ୍ୱର ସର୍ବବୃହତ ସ୍ମାର୍ଟଫୋନ୍ ଏବଂ ମେମୋରୀ ଚିପ୍ ନିର୍ମାତା ସାମସଙ୍ଗ ଇଲେକ୍ଟ୍ରୋନିକ୍ସର ଭାଇସ୍ ଚେୟାରମ୍ୟାନ ଲୀ ଜୋ ୟଙ୍ଗ ସୋମବାର ଏକ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ଏବଂ ତାଙ୍କୁ ଅଢ଼େଇ ବର୍ଷ ଜେଲ ଦଣ୍ଡାଦେଶ ଦିଆଯାଇଛି । ଲାଞ୍ଚ ନେବା ଏହି ଦୁର୍ନୀତିର ମାମଲାରେ ୟଙ୍ଗ ଦୋଷୀ ସାବ୍ୟସ୍ତ ହୋଇଛନ୍ତି । ଏହି ଦୁର୍ନୀତୀ ମାମଲା ସାମ୍ନାକୁ ଆସିବା ପରେ ଦକ୍ଷିଣ କୋରିଆର ରାଷ୍ଟ୍ରପତି ପାର୍କ ଗେଉନ ହୋଙ୍କୁ ପଦ ଛାଡ଼ିବାକୁ ପଡ଼ିଥିଲା ।
ସିୟୋଲ ସେଣ୍ଟ୍ରାଲ ଡିଷ୍ଟ୍ରିକ୍ଟ କୋର୍ଟ ଶୁଣାଣି ବେଳେ କହିଛନ୍ତି ଯେ, ଲି ଜୋ ୟଙ୍ଗ ସାମସଙ୍ଗ ଇଲେକଟ୍ରୋନିକ୍ସର ଉତ୍ତରାଧିକାରୀ ଭାବରେ ଉତ୍ତରାଧିକାରୀ ପ୍ରକ୍ରିୟାକୁ ସହଜ କରିବା ପାଇଁ ଲାଞ୍ଚ ଦେବା ସହ ରାଷ୍ଟ୍ରପତିଙ୍କୁ ନିଜ କ୍ଷମତାର ଉପଯୋଗ କରି ସାହାଯ୍ୟ କରିବା ପାଇଁ ଚାପ ପକାଇଥିଲେ । ଦେଶର ଏକ ଅଗ୍ରଣୀ କମ୍ପାନୀ ଅପରାଧ ସହ ଜଡ଼ିତ ଥିବା ଏକ ଲଜ୍ୟ ଜନକ ଘଟଣା ବୋଲି ଶୁଣାଣି ବେଳେ କୋର୍ଟ କହିଛନ୍ତି ।
ସାମସଙ୍ଗ ଏକ ପରିବାର ନିୟନ୍ତ୍ରିତ ଚର୍ଚ୍ଚିତ ଗ୍ରୁପ ଅଟେ । ଏହା ବିଶ୍ୱର ଦ୍ୱାଦଶ ବୃହତ୍ତମ ଅର୍ଥନୀତିରେ ଏକ ପ୍ରମୁଖ ଅବଦାନ ଗ୍ରହଣ କରେ । ଏହାର ସମୁଦାୟ ଟର୍ଣ୍ଣଓଭର ସାଉଥ କୋରିଆର ଡିଜିପିର ୨୦ ପ୍ରତିଶତ ସହ ସମାନ ଅଟେ । ସାଉଥ କୋରିଆର ଆର୍ଥିକ ସ୍ଥିତି ପାଇଁ ଏହା ଏକ ଗୁରୁତ୍ୱପୂର୍ଣ୍ଣ କମ୍ପାନୀ ଅଟେ । କିନ୍ତୁ ବିଶେଷଜ୍ଞଙ୍କ ମତରେ ଅଦାଲତର ଏହି ଆଦେଶ ପରେ, ନେତୃତ୍ୱର ଅଭାବ ରହିବ ଏବଂ ଏହା ଭବିଷ୍ୟତର ପୁଞ୍ଜି ବିନିଯୋଗ ଉପରେ ନିଷ୍ପତ୍ତି ନେବା କଷ୍ଟକର କରିବ । ଏହା ସାମସଙ୍ଗ ପାଇଁ ଏକ ପ୍ରମୁଖ ସଙ୍କଟ ଭାବେ ଉଭା ହେବ ।
