ମୃତ୍ୟୁ ପୂର୍ବରୁ ମହିଳା ପ୍ରଂଶସକଙ୍କ ସଞ୍ଜୟ ଦତ୍ତଙ୍କୁ ୭୨ କୋଟି ଟଙ୍କାର ସମ୍ପତ୍ତି ଉପହାର

ନନ୍ଦିଘୋଷ ବ୍ୟୁରୋ : ଫ୍ୟାନ ହେବତ ଏମିତି । ସଞ୍ଜୟ ଦତ୍ତଙ୍କ ଜଣେ ମହିଳା ଫ୍ୟାନ୍ ନିଜ ମୃତ୍ୟୁ ପୂର୍ବରୁ ନିଜର ସମସ୍ତ ସମ୍ପତ୍ତି ଯାହାର ମୂଲ୍ୟ ୭୨କୋଟି ଟଙ୍କା, ସଞ୍ଜୟ ଦତ୍ତଙ୍କ ନାମରେ କରିଦେଇଛନ୍ତି । ଏହି ଘଟଣା ୨୦୧୮ ମସିହାରେ ଚର୍ଚ୍ଚା ହେବାପରେ, ଲୋକମାନେ ଏହାକୁ ଗୁଜବ ବୋଲି କହିଥିଲେ । ଅଭିନେତା ସଂଜୟ ଦତ୍ତ ସମ୍ପ୍ରତି ଏକ ଆଲୋଚନାରେ ଏହା କାହାଣୀ ନୁହଁ ବରଂ ସତ୍ୟ ବୋଲି ସ୍ବୀକାର କରିଥିଲେ । କର୍ଲି ଟେଲ୍ସ ସହିତ ଏକ ଆଲୋଚନାରେ, ସଞ୍ଜୟଙ୍କୁ ପଚରାଯାଇଥିଲା ଯେ ଜଣେ ମହିଳା ପ୍ରଶଂସକ ତାଙ୍କ ପାଇଁ ୭୨ କୋଟି ଟଙ୍କାର ସମ୍ପତ୍ତି ଛାଡିଛନ୍ତି କି? ଏହାକୁ ସତ୍ୟ ବୋଲି ସ୍ୱୀକାର କରିଥିଲେ ସଞ୍ଜୟ । ଯେତେବେଳେ ପଚରାଗଲା ଯେ ସେ ସମ୍ପତ୍ତି ସହିତ କ’ଣ କରିଛନ୍ତି, ସେ କହିଲେ, “ମୁଁ ସେହି ସମ୍ପତ୍ତି ଦାନ କରିଥିବା ମହିଳାଙ୍କ ପରିବାରକୁ ସବୁ ସମ୍ପତ୍ତି ଫେରାଇ ଦେଇଛି। ୨୦୧୮ରେ, ସଞ୍ଜୟ ଦତ୍ତଙ୍କ ଜଣେ ସମର୍ପିତ ପ୍ରଶଂସକ ନିଶା ପାଟିଲ ତାଙ୍କର ସମ୍ପୂର୍ଣ୍ଣ ସମ୍ପତ୍ତି – ଯାହାର ମୂଲ୍ୟ ୭୨ କୋଟି ଟଙ୍କା । ନିଶା ମୁମ୍ବାଇର ଜଣେ ୬୨ ବର୍ଷୀୟା ଗୃହିଣୀ ଥିଲେ । ସେ ଏକ ମାରାତ୍ମକ ରୋଗରେ ପୀଡିତ ରହି ମୃତ୍ୟୁ ବରଣ କରିଛନ୍ତି । ମୃତ୍ୟୁ ପୂର୍ବରୁ ସେ ତାଙ୍କ ବ୍ୟାଙ୍କକୁ ଜଣାଇଥିଲେ ଯେ ତାଙ୍କ ମୃତ୍ୟୁ ପରେ ତାଙ୍କର ସମସ୍ତ ସମ୍ପତ୍ତି ସଞ୍ଜୟ ଦତ୍ତଙ୍କୁ ହସ୍ତାନ୍ତର କରାଯାଉ। ଏହି ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି ।