ଶିକ୍ଷକଙ୍କ ନାଁରେ କଳଙ୍କ ! ଛାତ୍ରୀଙ୍କୁ ସଂସ୍କୃତ ଶିକ୍ଷକଙ୍କ ଅସଦାଚରଣ ଅଭିଯୋଗ

ନନ୍ଦିଘୋଷ ବ୍ୟୁରୋ : ଛାତ୍ରୀଙ୍କୁ ଶିକ୍ଷକଙ୍କ ଅସଦାଚରଣ। ସୁନ୍ଦରଗଡ଼ ବଣାଇଁ ଅଞ୍ଚଳର ଏକ ବିଦ୍ୟଳୟରେ ଛାତ୍ରୀଙ୍କୁ ସଂସ୍କୃତ ଶିକ୍ଷକ ଅସଦାଚରଣ କରିଥିବା ଅଭିଯୋଗ ହୋଇଛି। ୭ ଜଣ ଛାତ୍ରୀ ଆଣିଛନ୍ତି ଏ ଅଭିଯୋଗ। ଛାତ୍ରୀଙ୍କ ଅଭିଯୋଗକୁ ଆଧାର କରି ଭାରପ୍ରାପ୍ତ ପ୍ରଧାନ ଶିକ୍ଷୟିତ୍ରୀଙ୍କ ଦ୍ଵାରା ଗୁରୁଣ୍ଡିଆ ଥାନାରେ ଏତଲା ଦିଆଯାଇଛି। ଅଭିଯୁକ୍ତ ଶିକ୍ଷକ ଛୁଟି ଦରଖାସ୍ତ ଦେଇ ଫେରାର ହୋଇଯାଇଛନ୍ତି। ଗୁରୁଣ୍ଡିଆ ପୋଲିସ ମାମଲାର ତଦନ୍ତ ଆରମ୍ଭ କରିଛି। ଶିକ୍ଷକ ଜଣକ ଛୁଟିରେ ଥିବାରୁ ତଦନ୍ତରେ ବିଳମ୍ବ ହେଉଛି।