ସାତ୍ବିକ-ଚିରାଗଙ୍କ କମାଲ: ବିଶ୍ବ ବ୍ୟାଡମିଣ୍ଟନ ଚାମ୍ପିୟନଶିପରେ ମେଡାଲ ସୁନିଶ୍ଚିତ କଲେ

ସାତ୍ବିକସାଈରାଜ ରଙ୍କିରେଡ୍ଡୀ ଓ ସିରାଗ ଶେଟ୍ଟୀ ପ୍ୟାରିସରେ ଖେଳାଯାଉଥିବା ଓ୍ବାର୍ଲ୍ଡ ବ୍ୟାଡିଣ୍ଟନ ଚାମ୍ପିୟନଶିପ ୨୦୨୫ରେ ଶାନଦାର ପ୍ରଦର୍ଶନ କରିଛନ୍ତି । ଏବେ ସାତ୍ବିକ-ଦିରାଗ ମେନ୍ସ ଡବଲ୍ସରେ ସେମିଫାଇନାଲରେ ପହଞ୍ଚିଛନ୍ତି । ଏହି ପ୍ରଦର୍ଶନ ଫଳରେ ଭାରତୀୟ ଯୋଡ଼ି କାଂସ୍ୟ ପଦକ ସୁନିଶ୍ଚିତ କରିଛନ୍ତି । କ୍ବାର୍ଟର ଫାଇନାଲରେ ଭାରତୀୟ ଯୋଡ଼ି ଦ୍ବିତୀୟ ମାନ୍ୟତାପ୍ରାପ୍ତ ମାଲେଶିଆ ଯୋଡ଼ି ଏରନ ଚିୟା-ସୋ ଓ ସୋହ ଓ୍ବି ୟିକଙ୍କୁ ୨୧-୧୨, ୨୧-୧୯ରେ ପରାସ୍ତ କରିଥିଲେ । ୯ମ ସିଡ୍ ସାତ୍ବିକ-ଦିରାଗ ଏହି ମୁକାବିଲାକୁ ଜିତିବା ପାଇଁ ମାତ୍ର ୪୩ ମିନିଟ୍ ସମୟ ନେଇଥିଲେ ।

ଏହି ମ୍ୟାଚ ଖେଳାଯିବା ସୁଦ୍ଧା ମାଲେଶିଆ ଖେଳାଳିଙ୍କ ବିପକ୍ଷରେ ସାତ୍ବିକ-ଚିରାଗଙ୍କ ହେଡ-ଟୁ-ହେଡ ରେକର୍ଡ ୩-୧୧ ରହିଥିଲା । ଅର୍ଥାତ ଅଧିକ ଥର ମାଲେଶିଆ ଯୋଡ଼ି ଜିତିଥିଲେ । ମାତ୍ର ଏଥର ଦୁଇ ଭାରତୀୟ ତାରକା ପ୍ରତିଦ୍ବନ୍ଦ୍ବୀ ଖେଳାଳିଙ୍କ ଉପରେ ଭାରି ପଡ଼ିଥିଲେ । ପ୍ୟାରିସ ଅଲିମ୍ପିକ୍ସରେ ସାତ୍ବିକ-ଚିରାଗ ଯୋଡ଼ି ପଦକ ଜିତିବା ନେଇ ନିରାଶ କରିଥିବା ବେଳେ ଏଥର ପଦକ ସୁନିଶ୍ଚିତ କରିଛନ୍ତି ।