ତୁଷାର ତାଣ୍ଡବ ପାଇଁ ବନ୍ଦ ସ୍କୁଲ କଲେଜ, ବାହ୍ୟ ଜଗତରୁ ବିଚ୍ଛିନ୍ନ ସିମଲା
ଶିମଲା: ସାରା ହିମାଚଳ ପ୍ରଦେଶରେ ବରଫ ତାଣ୍ଡବ। ରାଜ୍ଯର ଅଧିକାଂଶ ସ୍ଥାନରେ ଜାରି ରହିଛି ବରଫ ବର୍ଷା। ଆଜି ବି ଲାହୌଲ ସ୍ପିତି ଜିଲ୍ଲାରେ ବନ୍ଦ ରହିବ ସ୍କୁଲ ଓ କଲେଜ। ସେହିପରି ରାଜଧାନୀ ହିମାଚଳ ପ୍ରଦେଶରେ ବି ଜାରି ରହିଛି ତୁଷାର ତାଣ୍ଡବ। ରାଜପଥ ସମେତ ବିଭିନ୍ନ ଅଞ୍ଚଳରେ ବରଫପାତ ଯୋଗୁଁ ସିମଳାର ଅଧିକାଂଶ ଅଞ୍ଚଳ ବାହ୍ୟ ଜଗତରୁ ବିଚ୍ଛିନ୍ନ ହୋଇଛି।
ତୁଷାରପାତ ଯୋଗୁ କୁଫ୍ରି, ମସୋବରା, ନରକଣ୍ଡାରେ ବି ଜନଜୀବନ ବାଧାପ୍ରାପ୍ତ ହୋଇଛି। ମନାଲି,ଗୁଲାବା, ସୋଲାଙ୍ଗ ଓ କୋଠି ଅଞ୍ଚଳରେ ଘରୁ ବାହାରିବା ମୁସ୍କିଲ ହୋଇଛି। କେତେକ ସ୍ଥାନରେ ୫୦ ସେଣ୍ଟିମିଟରର ବରଫ ଆସ୍ତରଣ ପଡିଥିବା ଦେଖାୟାଇଛି। ଗତ ବୁଧବାର ଠାରୁ ଲାହୌଲ ସ୍ପିତି, କିନ୍ନାଉର, କୁଲ୍ଲୁ, ସିମଳା, ସିରମାଉର, ସାମ୍ବା ଜିଲ୍ଲାରେ ବରଫପାତ ଜାରି ରହିଛି।
