ରାଜ୍ୟ ତଥା ରାଜ୍ୟ ବାହାରେ ପଥର ଶିଳ୍ପୀ ଅମରେଶଙ୍କ ହାତ ତିଆରି ମୂର୍ତ୍ତିର ଚାହିଦ
ନନ୍ଦିଘୋଷ ବ୍ୟୁରୋ: ପଥର ଶିଳ୍ପ ଦେଇଛି ପରିଚୟ । ପାଲଟିଛି ରୋଜଗାରର ମାଧ୍ୟମ । ଚଣ୍ଡିଖୋଲ ଶୁଖୁଆପଡ଼ା ଅଞ୍ଚଳର ପଥର ଶିଳ୍ପୀ ଅମରେଶ ଚନ୍ଦ୍ର ବିନ୍ଧାଣୀ । ସ୍ବାବଲମ୍ବୀ ହେବା ସହ ଅନ୍ୟଙ୍କୁ ଦେଇଛନ୍ତି ରୋଜଗାର । ରାଜ୍ୟ ତଥା ରାଜ୍ୟ ବାହାରେ ରହିଛି ତାଙ୍କ ହାତ ତିଆରି ମୂର୍ତ୍ତିର ଚାହିଦ ।
ମୂର୍ତ୍ତି ଗଢ଼ିବାରେ ବ୍ୟସ୍ତ କାରିଗର । କାରିଗରର ହାତ ସ୍ପର୍ଶରେ ଜୀବନ୍ତ ହେଉଛି ମୂର୍ତ୍ତି । ବୁଦ୍ଧ, ଶିବ ଓ ବିଭିନ୍ନ ଦେବାଦେବୀଙ୍କ ନିଖୁଣ ମୂର୍ତ୍ତି ତିଆରି ଶିଳ୍ପୀଙ୍କୁ ଦେଇଛି ସ୍ବତନ୍ତ୍ର ପରିଚୟ । ଏ ହେଉଛନ୍ତି ଚଣ୍ଡିଖୋଲ ଶୁଖୁଆପଡ଼ା ଅଞ୍ଚଳର ଅମରେଶ ଚନ୍ଦ୍ର ବିନ୍ଧାଣୀ । ମୂର୍ତ୍ତି ତିଆରିକୁ କରିଛନ୍ତି ଜୀବନର ସାଧନା । ହାତର ସ୍ପର୍ଶରେ ମୃଣ୍ମୟୀ ସାଜିଛି ପଥର । ଛୋଟରୁ ବଡ଼ ମୂର୍ତ୍ତି ନିର୍ମାଣରେ ସିଦ୍ଧହସ୍ତ ଅମରେଶ । କେବଳ ସେ ନୁହନ୍ତି କିଛି ଶିଳ୍ପୀ ମଧ୍ୟ ସାମିଲ ମୂର୍ତ୍ତି ନିର୍ମାଣରେ ।
ରାଜ୍ୟ ଓ ରାଜ୍ୟ ବାହାରେ ରହିଛି ଅମରେଶଙ୍କ ହାତ ତିଆରି ମୂର୍ତ୍ତିର ଚାହିଦା । ସୁଉଚ୍ଚ ମୂର୍ତ୍ତି କରିବାରେ ବି ଧୁରନ୍ଧର ଶିଳ୍ପୀ । ମୂର୍ତ୍ତି ତିଆରି କରି ମାସିକ ୫୦ ହଜାର ଟଙ୍କା ରୋଜଗାର କରିପାରୁଛନ୍ତି ଅମରେଶ । ଅନ୍ୟକୁ ଜୀବିକା ଦେଇ ସାଜିଛନ୍ତି ଉଦାହରଣ । ଆଗକୁ ଅଧିକ ଶିଳ୍ପୀଙ୍କୁ କର୍ମନିଯୁକ୍ତି ଦେବାକୁ ରଖିଛନ୍ତି ଲକ୍ଷ୍ୟ ।
