ଭୁବନେଶ୍ବର: ଖଣ୍ଡଗିରି ଶ୍ରୀବୈକୁଣ୍ଠ ଧାମ ଆଶ୍ରମରେ ମାନବକୁ ଭଗବାନ ରୂପେ ପୂଜାର୍ଚ୍ଚନା ଘଟଣା। ଆତ୍ମଘୋଷିତ ବାବାଙ୍କ ଆସିଲା ନୂଆ ବିବାଦୀୟ ଫଟୋ। ଜଣେ ଯୁବତୀଙ୍କ ସହ ନଜର ଆସୁଛନ୍ତି ଯୁବ ବାବା। ଦାମି ଗାଡ଼ିରେ ଯୁବତୀଙ୍କୁ ଧରି ବୁଲୁଥିଲେ ବାବା। ପୂର୍ବରୁ ବାବାଙ୍କ ଦାମି ଗାଡ଼ିର ଫଟୋ ଆସିଥିଲା। ଏବେ ସେହି କୁନୀ କଳକୀ ଅବତାର ନେଇଥିବା ବାବାଙ୍କ ଆସିଛି ନୂଆ ଫଟୋ। ଆଉ ସେଠାରେ କେମିତି ଚାଲିଥିବା ପୂଜାର୍ଚ୍ଚନା ଏହାର ଭିଡିଓ ମଧ୍ୟ ଆସିଛି।
ଲୋକଙ୍କୁ ସମାଗମ କରି ଚାଲିଥିଲା ପୂଜାର୍ଚ୍ଚନା। ନିଜକୁ ଭଗବାନ କହି ଲୋକଙ୍କୁ ଭୂଆଁ ବୁଲାଉଥିବା ଏହି ବାବା ଯୁବତୀଙ୍କୁ ସାଥିରେ ନେଇ ବୁଲୁଥିଲେ। ଦାମୀ ଗାଡ଼ିରେ ଯୁବତୀଙ୍କୁ ନେଇ ମଉଜ କରୁଥିଲେ। ଏବେ ବାବାଙ୍କ ସେହି ଅସଲ ଫଟୋ ଆସିଛି। ଖଣ୍ଡଗିରିରେ ଥିବା ଏହି ଆଶ୍ରମ ସରକାରୀ ଜମିରେ ଛିଡା ହୋଇଥିବା ଜଣାପଡିଛି। ଶୂନ ଦଶମିକ ୧୪୦ ଡିସିମିଲ୍ ସରକାରୀ ଜମି ଅକ୍ତିଆର କରିଛି ଆଶ୍ରମ। ମାପଚୂପ ପରେ ମାଷ୍ଟରମାଇଣ୍ଡ ପାଣ୍ଡବ ପରିଡା ଫେରାର୍ ହୋଇଯାଇଛି।
ଖଣ୍ଡଗିରି ବାରି ଅଞ୍ଚଳରେ ରହୁଥିବା ଭଡା ଘରୁ ପତିପତ୍ନୀ ଫେରାର ହୋଇଯାଇଛନ୍ତି। ଆଶ୍ରମକୁ ଜଗି ରହିଛନ୍ତି ପୋଲିସ। ଖୁବଶୀଘ୍ର ଆଶ୍ରମ ଉଛେଦ କରିପାରେ ପ୍ରଶାସନ। ଗତକାଲି ଜିଲ୍ଲାପାଳଙ୍କ ନିର୍ଦ୍ଦେଶରେ ବିଡିଏ ଏବଂ ଜିଏ ବିଭାଗ କରିଥିଲା ମାପଚୂପ। ଦୁଇଟି ପ୍ଳଟର ୦.୧୪୦ ଡିସିମିଲ୍ ସରକାରୀ ଜମିରେ ଆଶ୍ରମ ହୋଇଥିବା ଜଣାପଡିଛି।
